कांग्रेसले एमालेसँग एक्लै लड्ने सामर्थ्य गुमाइसक्यो ;योगेश भट्टराई
सारांश
- ११ असोज,ताप्लेजुङ ।
- नेकपा एमालेका सचिव योगेश भट्टराईले एमाले विरुद्ध काग्रेसले साना ठूला सबै पार्टीहरुको मोर्चा बन्दी गरे पनि उसले दोस्रो चरणमा पहिलो चरणको भन्दा पनि खराब नतिजा सामना गर्नुपर्ने चेतावनी दिएका छन् ।
- भट्टराईले कांग्रेससँग अब एमाले विरुद्ध एक्लै लड्ने सामथ्र्य सकिएको टिप्पणी गरेका छन् ।
११ असोज,ताप्लेजुङ । नेकपा एमालेका सचिव योगेश भट्टराईले एमाले विरुद्ध काग्रेसले साना ठूला सबै पार्टीहरुको मोर्चा बन्दी गरे पनि उसले दोस्रो चरणमा पहिलो चरणको भन्दा पनि खराब नतिजा सामना गर्नुपर्ने चेतावनी दिएका छन् । भट्टराईले कांग्रेससँग अब एमाले विरुद्ध एक्लै लड्ने सामथ्र्य सकिएको टिप्पणी गरेका छन् ।
ताप्लेजुङको फक्तालुङ गाउँपालिकाकेा विकट क्षेत्र सिवा भन्ने ठाउँमा आयोजित चुनावी सभालाई सम्बोधन गर्दै भट्टराईले कांग्रेसले माओवादी लगायत साना जातीय क्षेत्रीय पार्टीहरुको बैशाखी टेकेर एमाले विरुद्ध लड्न खाजेको बताए । ‘तर तिनीहरुको गठबन्धन हाम्रा लागि अछ्युँ खाएँ बछ्युँ खाउँ झुेसी बारुला’ भने जस्तै हो ।
ताप्लेजुङको फुङलिङ नगरपालिका सहित पूर्वी पहाडका भोजपुर, तेह्रथुम, धनकुटा लगायतका जिल्लामा कांग्रेसले माओवादी, संघीय समाजवादी, लिम्बुवान, खम्बुवान र राप्रपा लगायतका दलसँग तालमेल गरेको छ । यही प्रसंगमा भट्टराईले कांग्रेसलाई एक्लै एमालेसँग लड्न चुनौति दिएका हुन् ।
१५ दिनदेखि गृहजिल्ला ताप्लेजुङमा रहेका भट्टराईले १ नम्बर प्रदेशमा एमालेले बहुमत स्थान ल्याउने दावी गरे ।
प्रतिक्रिया