कोच दीपले स्टिल गरेका सिडीविजय अधिकारी बने पहिलो ‘द भ्वाइस अफ नेपाल’

काठमाडौं । चर्चित गायन रियालिटी शो ‘द भ्वाइस अफ नेपाल’को पहिलो उपाधी पोखराका सिडीविजय अधिकारीले पाएका छन् ।

अधिकारी नेपालको पहिलो ‘द भ्वाईस अफ नेपाल’ बन्न सफल भएका छन् । शुक्रबार कतारको दोहास्थित एमपी थिएटरमा सम्पन्न ग्राण्ड फिनालेमा सबैभन्दा धेरै भोट लिएका कारण जितेका हुन् ।

उनी पहिले प्रमोदको टिमबाट द भ्वाइसमा आएका थिए । त्यसपछि प्रमोदले उनलाई छान्न सकेनन् । कोच दीपले स्टिल गरेर उनलाई टिममा भित्राएका थिए । बिजेता भएसँगै अधिकारीले २५ लाख रुपैयाँ नगद, रेनोको एउटा कारसहितको पुरस्कार पाएका छन् ।

प्रतियोगितामा चारजना कोचको एकएक जना टप फोरमा पुगेका थिए । भोटिङका आधारमा भ्वाइस अफ नेपाल घोषणा गरिएको हो । टप ४ मा पर्नेमा सिडीविजय अधिकारी, कुशल आचार्य, सप्तक दु्रतराज, श्रीजय थपलिया फाइनलमा पुगेका थिए ।