नेकपा एमाले र नेपाली कांग्रेसबीच कडा प्रतिस्पर्धा
सारांश
- १६ असार, काठमाडौ ।
- दोस्रो चरणको स्थानीय चुनावअन्तर्गत भइरहेको मतगणनामा नेकपा एमाले र नेपाली कांग्रेसबीच कडा प्रतिस्पर्धा देखिएको छ ।
- पछिल्लो मत परिणामअनुसार दुई ठाउँमा एमालेले जितेको छ भने काँग्रेस र माओवादी केन्द्रले एकएक ठाउँमा जित हासिल गरेका छन् ।
१६ असार, काठमाडौ । दोस्रो चरणको स्थानीय चुनावअन्तर्गत भइरहेको मतगणनामा नेकपा एमाले र नेपाली कांग्रेसबीच कडा प्रतिस्पर्धा देखिएको छ । पछिल्लो मत परिणामअनुसार दुई ठाउँमा एमालेले जितेको छ भने काँग्रेस र माओवादी केन्द्रले एकएक ठाउँमा जित हासिल गरेका छन् । प्रदेश नम्बर एकमा एमाले ५२ स्थानमा अगाडि छ भने नेपाली काँग्रेस ५१ स्थानमा अगाडि छ भने ११ स्थानमा माओवादी केन्द्रले अग्रता लिएको छ । प्रदेश नम्बर पाँचमा एमाले ३८ स्थानमा अगाडि छ भने २८ स्थानमा काँग्रेसले अग्रता लिएको छ भने माओवादी केन्द्र १७ स्थानमा अगाडि देखिएको छ । प्रदेश नम्बर सातमा काँग्रेस २५ स्थानमा अगाडि छ भने एमालेले १९ र माओवादी केन्द्रले १४ स्थानमा अग्रता कायम राखेको छ । ३ सय ७ स्थानमा मतगणना जारी रहेको भए पनि पछिल्लो विवरण केहीबेरमा प्राप्त हुने निर्वाच्न आयोगका प्रवक्ता सूर्यप्रसाद शर्माले सीआईएनसँग बताउनुभयो । संघीय समाजवादी फोरम–नयाँ शक्तिबीचको गठबन्धनले पनि चार तहमा अग्रता लिएको छ भने फोरम लोकतान्त्रिकले तीन तहमा अग्रता लिएको छ । चुनावमा एक महानगरपालिका, ७ उपमहानगरपालिका, १ सय ११ नगरपालिका र २ सय १५ गाउँपालिका छन् ।
(Ultram)
प्रतिक्रिया