२१ लाख घुस माग्ने आफ्नै नेतामाथि एमाले महासचिवले लिए कडा ‘एक्सन’!

मोरङ । एमाले महासचिव ईश्वर पोख्रेलले चुनावको बेला उम्मेद्वारहरुसँग घुस माग्ने र टिकट मिलाइदिन्छु भन्दै आर्थिक अराजकता मच्चाउने नेतालाई पार्टीले तत्काल कार्वाही गर्ने बताएका छन् । शुक्रबार प्रेस चौतारी मोरङले आयोजना गरेको पत्रकार सम्मेलनमा बोल्दै महासचिव पोख्रेलले सो कुरा बताएका हुन् ।  ‘पार्टी भित्रैबाट उम्मेद्वारहरुसँग पैसा माग्ने तथा टिकट मिलाइदिने भन्दै घुस खाएका खबर आएका छन्, यदि त्यसो गरिएको भेटिएमा पार्टीले तुरुन्त कार्वाही गर्छ,’ महासचिव पोख्रेलले स्पष्ट पारे ।  केही दिनअघि मोरङ जिल्लाकै मिक्लाजुङ गाउँपालिकाका एमाले उम्मेद्वारसँग पार्टीकै एक नम्बर प्रदेश कमिटीका नेताले २१ लाख मागेको घटना बाहिर आएको थियो । आफुसँग उपल्लो कमिटीका नेताले २१ लाख रुपैयाँ मागेको भन्दै मधुमल्लाका एमाले नेता भेषराज काफ्लेले पार्टी परित्याग गरिसकेका छन् । नेता काफ्लेले आफुले घुस माग्ने नेतामाथि कारवाहीको माग गर्दा पनि पार्टीले सुनुवाई नगरेको भन्दै एमाले परित्याग गरेका थिए ।  उक्त घटना घटेको केही दिन नवित्दै एमाले महासचिव पोख्रेलले घुस माग्ने नेतामाथि पार्टीले कार्वाही गर्ने चेतावनी दिएका हुन्