गायिका जलजला परियारलाई २० हजार सहयोग
सारांश
- काठमाडौं, माघ २६ ।
- दुवै मृगौलामा समस्या आएपछि राजधानीको महाराजगञ्जस्थित त्रिभुवन विश्वविद्यालय शिक्षण अस्पतालमा उपचाररत गायिका जलजला परियारलाई गायिका जुना प्रसाई र इरिक गिरीले गाएको ‘म परे झापाली’ बोलको गीतको युट्युबमार्फत प्राप्त रोयल्टी बापतको २० हजार २०० रुपैयाँ सहयोग गरेका छन् ।
- उनीहरुले सो रकम जलजलालाई आफ्नै हातबाट हस्तान्तरण गरेका हुन् ।
काठमाडौं, माघ २६ । दुवै मृगौलामा समस्या आएपछि राजधानीको महाराजगञ्जस्थित त्रिभुवन विश्वविद्यालय शिक्षण अस्पतालमा उपचाररत गायिका जलजला परियारलाई गायिका जुना प्रसाई र इरिक गिरीले गाएको ‘म परे झापाली’ बोलको गीतको युट्युबमार्फत प्राप्त रोयल्टी बापतको २० हजार २०० रुपैयाँ सहयोग गरेका छन् ।
उनीहरुले सो रकम जलजलालाई आफ्नै हातबाट हस्तान्तरण गरेका हुन् । ‘नेपाली तारा’ सिजन–३ की प्रतियोगीसमेत रहेकी जलजलालाई सहयोग गर्न सामाजिक सञ्जाल फेसबुकमार्फत ‘गायिका जलजला परियार बचाउ अभियान’ चलाइएको छ ।
अर्घाखाँचीकी जलजलालाई सहयोग गर्न विभिन्न संघसंस्था तथा व्यक्तिहरू सक्रिय भएर लागेका छन् । उनको उपचारमा सहयोग गर्नका लागि राष्ट्रिय कलाकारका साथै विभिन्न कार्यक्रमको आयोजना गरेर सहयोग रकम संकलन गर्ने अभियान जारी रहेको छ ।
जलजला जस्तो सुमधुर आवाजकी धनि गायिकाको उपचार गर्नको लागि आफूले सानो रकम सहयोग गर्न पाउँदा खुसी लागेको गायिका जुनाले बताइन् ।
साथै उनले जलजलामा भएको पिडालाई कम गर्नको लागि र उनको उपचारमा सहयोग गर्नको लागि पनि सम्पूर्ण नेपाली मनहरुमा गायिकाले अपिल गरेकी छन् ।
प्रतिक्रिया