बिमस्टेक सम्मेलन सन्ध्यामा सचिवस्तरीय वैठक आज बस्दै
सारांश
- काठमाडौं – काठमाडौंमा हुन लागेको बहुपक्षीय प्राविधिक तथा आर्थिक सहायताका लागि बंगालको खाडीका देशहरुको प्रयास (बिमस्टेक) को शिखर सम्मेलनको अवसरमा सचिवस्तरीय वैठक आज बस्दैछ ।
- वरिष्ठ अधिकारी अर्थात सचिवस्तरीय १९औं बैठक आज बस्ने भएको हो ।
- बिमस्टेक शिखर सम्मेलनअघि सचिव र मन्त्रीस्तरीय छुट्टाछुट्टै बैठक बस्ने प्रचलन छ ।
काठमाडौं – काठमाडौंमा हुन लागेको बहुपक्षीय प्राविधिक तथा आर्थिक सहायताका लागि बंगालको खाडीका देशहरुको प्रयास (बिमस्टेक) को शिखर सम्मेलनको अवसरमा सचिवस्तरीय वैठक आज बस्दैछ ।
वरिष्ठ अधिकारी अर्थात सचिवस्तरीय १९औं बैठक आज बस्ने भएको हो । बिमस्टेक शिखर सम्मेलनअघि सचिव र मन्त्रीस्तरीय छुट्टाछुट्टै बैठक बस्ने प्रचलन छ । बैठकमा सहभागी हुन भारत, भुटान, बंगलादेश, श्रीलंका, म्यानमार र थाइल्यान्डका विदेशसचिवहरु हिजै काठमाडौं आइसकेका छन्।
बिमस्टेकमा नेपालसहित सातवटा सदस्य छन्। परराष्ट्र मन्त्रालयका अनुसार आज बस्ने बैठकमा आठभन्दा बढी एजेन्डामा रहेर छलफल हुनेछ । भोलिदेखि बिमस्टेक मन्त्रीस्तरीय बैठक बसी छलफल हुने बताइएको छ । बिहीबार र शुक्रबार बिमस्टेक सदस्य राष्ट्रका राष्ट्रप्रमुख तथा सरकार प्रमुखको बैठक बसी सहमति, समझदारी तथा सम्झौतापत्रमा हस्ताक्षर गर्ने कार्यक्रम छ ।
बिमस्टेक वरिष्ठ अधिकारीको बैठक आज बिहानदेखि होटल सोल्टीमा हुने बैठकमा नेपालका परराष्ट्र सचिव शंकर दास वैरागीले अध्यक्ष गर्ने कार्यक्रम छ ।
बैठकलाई बिमस्टेकका महासचिव शहिदुल इस्लामले विशेष सम्बोधन गर्ने कार्यक्रम छ । आजको बैठकमा व्यापार तथा लगानी, यातायात तथा सञ्चार, प्रविधि, अन्तरदेशीय अपराध तथा प्रतिआतंकवाद, कृषि, गरिबी निवारण, जनस्वास्थ्यलगायतका मुद्दालाई प्रमुख अजेन्डा बनाइएको परराष्ट्र मन्त्रालयले जनाएको छ।
प्रतिक्रिया