जिसस प्रमुख, मेयर, अधिकृत स्कुलको बसमा जन्ती हिडेपछि …
सारांश
- अस्बिन खड्का, वैशाख २९- विद्यार्थी चढ्ने स्कुल बसमा जन्ती बोकेर हिडेपछि ट्रफिक प्रहरीले कार्वाही गरेको छ ।
- विराटनगर कोशी विद्या मन्दिरको दुईवटा बस र भ्यानमा विवाहका लागि प्रयोग गर्दा दुरुपयोग भएकोे भन्दै प्रहरीले कार्वाही गरेको हो ।
- सोही विद्यालयका सञ्चालक रहेका विश्वास पोख्रेलको विवाहमा स्कूल बसमा जन्ती लिएर दुलहीको घर झापाको विर्तामोड पुगेका थिए ।
अस्बिन खड्का, वैशाख २९- विद्यार्थी चढ्ने स्कुल बसमा जन्ती बोकेर हिडेपछि ट्रफिक प्रहरीले कार्वाही गरेको छ । विराटनगर कोशी विद्या मन्दिरको दुईवटा बस र भ्यानमा विवाहका लागि प्रयोग गर्दा दुरुपयोग भएकोे भन्दै प्रहरीले कार्वाही गरेको हो ।
सोही विद्यालयका सञ्चालक रहेका विश्वास पोख्रेलको विवाहमा स्कूल बसमा जन्ती लिएर दुलहीको घर झापाको विर्तामोड पुगेका थिए । विवाहमा लगिएको सरकारी गाडीमा नगरपालिका प्रमुख, सरकारी कार्यालयका अधिकृत र जिल्ला समन्व्य समितिका संयोजक समेत सहभागी थिए । विवाहका लागि को १ क ११६६, ना ७ क ५७५८ नम्बरका बस र को १ च ६८८८ नम्बरको स्कूल बसले जन्ती लगेर गएको थियो ।
पहेंलो रंगको विद्यार्थी बोकेर गएको बसलाई विराटनगर ट्राफिक प्रहरीले भने कार्वाही गरेन । तर, जिल्ला ट्राफिक प्रहरी कार्यालय झापाले बेहुली लिएर फर्कदै गर्दा स्कूल बस नियन्त्रणमा लिएर कारवाही गरेको छ ।
जिल्ला ट्राफिक प्रहरी कार्यालय लक्ष्मीपुर चेकपोष्टमा खटिएको ट्राफिक प्रहरीको टोलीले जन्ती सहितको स्कूल बसलाई नियन्त्रणमा लिएर कारवाही गरेको ट्राफिक प्रहरी निरीक्षक राजेश राईले जानकारी दिए । ‘ट्राफिक नियम उल्लङ्घन गर्दै नम्वर प्लेट नै नभएको स्कूल वसमा जन्ती बोकेर विराटनगर जाँदै गरेको पाइएपछि कारवाही गरिएको हो’ उनले भने ।
ट्राफिक प्रहरीले नम्वर प्लेट नभएको स्कूल बसलाई अस्थायी नम्बर प्रिन्ट गर्न लगाएर जरिवाना तिराएर छाडेको थियो ।
प्रतिक्रिया