नेपालकाे १०० रन पुरा !

काठमाडाैँ १६ असाेज । बंगलादेशमा जारी यु१९ एसिया कप क्रिकेट प्रतियाेगितामा युएइ विरुद्ध  खेलिरहेकाे नेपालले अाफ्नाे पहिलाे १०० रन पुरा गरेकाे छ । २ सय ६९ रनकाे लक्ष्य पछ्याएकाे नेपालले उन्नाइसाैँ अाेभरमा ३ विकेट गुमाएर पहिलाे १०० रन बनाएकाे हाे ।

सुरुवाती ब्याट्सम्यान सस्तैमा गुमाएपछि नेपाल  केहीबेर स‌घर्ष गरेकाे थियाे । कप्तान माेहमद अासिफ शेख र सन्दिप जाेराले सम्हालिएर खेल्दा नेपालकाे स्काेर केही माथि उकासीएकाे थियाे । अासिफले अाउट हुनुअघि ३५ रन बनाएका थिए । भने सन्दिप जाेरा ३४ रन बनाएर खेलिरहेका छन् । २० अाेभरकाे खेल सकिँदा नेपाललाई १ सय ६९ रनकाे अावस्यकता रहेकाे छ भने ७ विकेट हातमा छ ।

टस जितेर पहिले ब्याटिङ् गरेको युएइले निर्धारित ५० ओभरमा राम्रो प्रदर्शन गर्दैै २ सय ६८ रन बनाएको थियो ।

युएइलाई राम्रो सुरुवात दिने क्रममा फहज नवाज र अन्स टन्डनले १ सय ५९ रनको प्रारम्भिक साझेदारी गरेका थिए । आउट हुनुअघि टन्डनले ६७ र नवाजले ८४ व्याक्तिगत रन बनाएका थिए । नेपालका लागि भने पवन सर्राफ, नन्दन यादव र रसिद खानले समान दुई दुई विकेट लिएका थिए ।

प्रतियोगिताबाट बाहिरीसकेका नेपाल र युएइका युवा टोली सान्त्वना जितको खोजिमा छन् ।