नेपालको रुस्लान डिपिएल-२ को लागि आईफ्लिक्स एकमात्र अनलाइन प्लेटफर्म

काठमाडौं, १२ चैत ।  उदीयमान बजारका लागि विश्वको अग्रणी मनोरंजन प्रदायक आईफ्लिक्सले आगामी २०१८ को मार्च ३१ देखि अप्रिल १३ सम्म हुन गइरहेको टी-ट्वेन्टी क्रिकेट शृंखला रुस्लान धनगढी प्रिमियर लिग-२ को विशेष अनलाइन प्रसारण गर्न गइरहेको छ ।

उक्त क्रिकेट प्रतियोगिता नेपालका ६ घरेलु टीमहरू बीच धनगढीको एसएस्पी क्रिकेट मैदानमा मार्च ३१ देखि सुरु हुन गैरहेको छ ।  सबैको प्रतीक्षामा रहेको यो क्रिकेट प्रतियोगितालाई नेपालको इतिहासमै पहिलो पटक नेपालका आईफ्लिक्स सब्सक्राइबर/ग्राहकले लाइभ हेर्न पाउनेछन् । त्यतिमात्र हैन, उक्त प्रतियोगिता सकिएपछि पनि आफूलाई मन पर्ने खेलहरू अनलाइनमै हेर्न वा डाउनलोड गरेर पनि हेर्न सकिनेछ । साथै यसमा सबै १९ खेलका हाइलाइट पनि छुट्टै रहनेछन् ।

आईफ्लिक्स नेपालकी कन्ट्री म्यानेजर भावना घिमिरे भन्छिन्, “नेपालको इतिहासमै पहिलोपटक नेपाली क्रिकेटप्रेमीहरुले डिजिटल प्लेटफर्ममार्फत अनलाइन क्रिकेटको लाइभको आनन्द लिन गैरहेका छन् । सबैको प्रतीक्षामा रहेको यो प्रतियोगिता जुनसुकै ठाउँमा जतिबेला पनि अनलाइनबाट हेर्न सकिनेछ । क्रिकेटजस्तो जल्दोबल्दो मनोरन्जन अनुभव नेपालका क्रिकेटप्रेमीहरूमाझ पस्कन पाउँदा हामी एकदमै उत्साहित छौं र रुस्लान डीपीएल-२ को एकमात्र अनलाइन प्रसारण प्लेटफर्म हुन पाएकोमा गर्ववान्वित पनि छौं । ”

धनगढि क्रिकेट एकेडेमीका अध्यक्ष सुभास शाही भन्छन्, “स्पष्ट अनलाइन स्ट्रिमिङ प्रदान गर्ने आईफ्लिक्सजस्तो सुपरिचित मार्केट लिडरसँग पार्टनरसीप गरेर नेपाली क्रिकेटप्रेमी माझ एक्सन-प्याक्ड टी-ट्वेन्टी क्रिकेट शृंखला अनलाइन देखाउन पाउँदा अत्यन्तै उत्साहित छौं । आईफ्लिक्सको विश्वस्तरीय प्रविधि तथा सेवाका साथमा लाखौं क्रिकेट खेलप्रेमीहरूलाई नजिकबाट सम्पूर्ण प्रतियोगिता देखाउन हामी आतुर छौं ।”

आईफ्लिक्स र एनसेल प्राइवेट लिमिटेड (“एनसेल”) बीच हालै घोषणा भएको साझेदारी अनुसार एनसेल ग्राहकहरुलाई आईफ्लिक्सको असीमित पहुँच हुनेछ – यो रुस्लान डीपीएल २ लाई पाँचवटासम्म उपकरणमा लाईभ स्ट्रिम गर्नको लागि एकदम सही अवसर हो  ।  एनसेलका ग्राहकहरुले आईफ्लिक्सका शोहरुको स्ट्रिमिङ र डाउनलोड गर्नका लागि बिशेष एनसेल डाटा प्याकेजको पनि आनन्द लिन सक्नेछन्  l

बंगलादेशको निदास ट्रफी-२०१८ र टी१० क्रिकेट लिग, इन्डोनेसियाको फुटबल इन्डोनेसियाज लिगा १, ग्लोबल फेनोमेनल मेवेदर र म्याकग्रेगरको भिडन्त, रमाइलो खेल डोटा२ (DOTA2) का लागि इ-स्पोर्ट प्रतियोगिता र मलेसियाको हालसालै घोषणा गरिएको फुटबल लिग पनि आईफ्लिक्सको अनलाइन खेलकुद स्ट्रिम अफरमा सफल भैसकेका छन् ।  त्यसैगरी आईफ्लिक्समा हरेक बर्ष हुने लिगा सुपरको लाइभ स्ट्रिम, पिअला मलेसिया, मार्की मियाला एफए प्रतियोगिता लगायतका खेलकुद कार्यक्रमले सफलता पाइसकेका छन् । अब नेपालको रुस्लान डीपीएल-२ पनि आईफ्लिक्सको अनलाइन खेलकुद प्रसारणमा प्रवेश गर्दैछ ।

रुस्लान डीपीएल-२ को डिजिटल र मिडिया प्रसारण अधिकार एपी१ टेलिभिजनसँग सुरक्षित छ l

एसिया, मध्यपूर्व र अफ्रिकाका २५ राष्ट्रमा १ अर्बभन्दा बढी प्रयोगकर्ताका लागि उपलब्ध आईफ्लिक्सले भिडियो स्ट्रिमिङका सन्दर्भमा बजारको अग्रस्थानमा आफूलाई स्थापित गरिसकेको छ l आईफ्लिक्सले आफ्ना प्रयोगकर्तालाई नयाँ एक्स्लुसिभ तथा अवार्ड जित्न सफल कार्यक्रमहरू लगायत हलिवुड, एसियन र मध्यपूर्वी उत्कृष्ट चलचित्र र टेलिभिजन शोहरूको बृहत् लाइब्रेरी प्रदान गरिरहेको छ l प्रत्येक सब्स्क्रिप्सनमा प्रयोगकर्ताले जहाँ पनि र जहिले पनि फोन, ल्यापटप, ट्याब्लेट तथा टेलिभिजन सेटजस्ता पाँच वटासम्म उपकरणहरूबाट सेवाको पहुँच प्राप्त गर्न सक्नेछन् ।

आईफ्लिक्सका बारेमा

विश्व उदीयमान बजारमा आइफ्लिक्स एउटा अग्रणी मनोरन्जन सेवा प्रदायक हो जसले प्रयोगकर्तालाई हजारौं टीभी शो, सिनेमा तथा अन्य धेरै सेवाको असीमित पहुँच (अनलिमिटेड एक्सेस) प्रदान गर्दछ । सबैको प्रिय कमेडी, ड्रामा, के–ड्रामा, टर्किस ड्रामा, बलिउड, नलिउड, कार्टुन्स, सिनेमा, लाइभ खेलकूद, तथा हलिउड देखि संयुक्त अधिराज्य, एशिया, मध्यपूर्व र अफ्रिकाका लोकप्रिय कार्यक्रम डाउनलोड वा स्ट्रिम गर्ने सुविधा हरेक व्यक्तिको आफ्नो औलामा पुर्याउने काम आईफ्लिक्सले गर्दछ । महिनाको एकपल्ट कम मासिक शुल्कमा ग्राहकले आफूलाई मनपर्ने कार्यक्रम ल्यापटप, ट्याब्लेट, टीभी आदीमा जहाँपनि र जहिलेपनि हेर्न पाउँछन् ।

प्ले गरौं 

हाल आईफ्लिक्सका सेवा मलेसिया, इण्डोनेशिया, फिलिपिन्स, थाईल्याण्ड, ब्रुनाई, श्रीलंका, पाकिस्तान, म्यानमार, भियतनाम, मालदिभ्स, कुवेत, बहराइन, साउदी अरेबिया, जोर्डन, इराक, लेबनान, इजिप्ट, सुडान, कम्बोडिया, नाइजेरिया, केन्या, घाना, नेपाल, बंगलादेश र जिम्बाबेमा उपलब्ध छन् ।