सिन्धुपाल्चोकका दुवै क्षेत्रको मतगणना सुरू
सारांश
- पहिलो चरणमा निर्वाचन भएको सिन्धुपाल्चोकमा ५ बजेदेखि मतगणना सुरू भएको छ ।
- प्रतिनिधिसभा–१ अन्तर्गत लिसङ्खुपाखर–३ को महादेव स्थान र सुनकोसी ७ को सेतिदेवि (ख) केन्द्रको मतगणना भैरहेको छ भने प्रतिनिधिसभा २ को मेलम्ची नगरपालिका १० सितलादेवि मावि र पाँचपोखरी गाउँपालिका भोटेनाम्लाङ माविको केन्द्रको मत गणना भैरहेको जनाइएको छ ।
- बुधबार बसेको सर्वदलीय बैठकले सदर बदरका विषयमा सहमति कायम गरेपछि बिहीबार ५ बजेबाट सुरू भएको मुख्य निर्वाचन अधिकृत दीपक खनालले जानकारी दिए ।
पहिलो चरणमा निर्वाचन भएको सिन्धुपाल्चोकमा ५ बजेदेखि मतगणना सुरू भएको छ ।
प्रतिनिधिसभा–१ अन्तर्गत लिसङ्खुपाखर–३ को महादेव स्थान र सुनकोसी ७ को सेतिदेवि (ख) केन्द्रको मतगणना भैरहेको छ भने प्रतिनिधिसभा २ को मेलम्ची नगरपालिका १० सितलादेवि मावि र पाँचपोखरी गाउँपालिका भोटेनाम्लाङ माविको केन्द्रको मत गणना भैरहेको जनाइएको छ ।
बुधबार बसेको सर्वदलीय बैठकले सदर बदरका विषयमा सहमति कायम गरेपछि बिहीबार ५ बजेबाट सुरू भएको मुख्य निर्वाचन अधिकृत दीपक खनालले जानकारी दिए ।
१ लाख १४ हजार ३४४ मतदाता रहेको क्षेत्र नम्बर १ मा प्रतिनिधिसभातर्फ बहालवाला सञ्चारमन्त्री मोहन बस्नेत र पूर्वसञ्चारमन्त्री अग्नी सापकोटासहित १३ जना प्रत्यासी मैदानमा छन् । त्यहाँ करिब ७८ हजार मत खसेको खनालले जानकारी दिए ।
त्यस्तै २ नम्बर निर्वाचन क्षेत्रमा १ लाख १२ हजार १९६ मतदाता रहेका छन् भने ७७ हजार मत खसेको आँकलन गरिएको छ । र, त्यहाँ राप्रपा (प्रजातान्त्रिक)का अध्यक्ष पशुपति शमशेर राणा, वाम गण्ठबन्धनका तर्फबाट शेरबहादुर तामाङ मैदानमा छन् । त्यहाँ ९ जना उमेदवार प्रतिस्पर्धामा छन् ।
निर्वाचन सकिएको ११ दिनपछि मतगणना भइरहेकाले दलका नेता कार्यकर्ता सदरमुकाम चौतामा भेला हुने क्रम जारी छ ।
प्रतिनिधिसभातर्फ निर्वाचनको परिणाम २४ घन्टाभित्र सार्वजनिक गरिसक्ने गरी तयारी भएको र प्रदेशसभा र समानुपातिकतर्फको मतगणना ४ दिनभित्र गरिसक्ने योजना रहेको खनालले जानकारी दिए ।
मतगणनास्थलको सुरक्षाका लागि तारजाली र सीसीटीभी जडान गरिएको खनालको भनाइ
प्रतिक्रिया