कार्यकारी राष्ट्रपतीय अभिनायकवाद लाद्ने खेल: प्रधानमन्त्री देउवा
सारांश
- तौलिहवा(कपिलवस्तु),१३ मंसिर।
- प्रधानमंत्री तथा नेपाली कांग्रेसका सभापति शेरबहादुर देउवाले प्रत्यक्ष निर्वाचित राष्ट्रपतिसहितको व्यवस्थाको नाममा बाम गठवन्धनले मुलुकमा अधिनायकबाद लाद्न खोजेको बताएका छन्।
- नेपाली कांग्रेस निर्वाचन परिचालन समितिको आयोजनामा कपिलवस्तुको सदरमुकाम तौलिहवामा आयोजित आमसभामा बोल्दै प्रधानमन्त्री देउवाले यो निर्वाचनबाट दुई तिहाई बहुमत जुटाई वर्तमान संविधानलाई खारेज गरी निरंकुश कम्युनिष्ट शासन व्यवस्था लाद्न खोज्नु वाम गठवन्धनको दिवा स्वप्न मात्र भएको बताए।
तौलिहवा(कपिलवस्तु),१३ मंसिर। प्रधानमंत्री तथा नेपाली कांग्रेसका सभापति शेरबहादुर देउवाले प्रत्यक्ष निर्वाचित राष्ट्रपतिसहितको व्यवस्थाको नाममा बाम गठवन्धनले मुलुकमा अधिनायकबाद लाद्न खोजेको बताएका छन्।
नेपाली कांग्रेस निर्वाचन परिचालन समितिको आयोजनामा कपिलवस्तुको सदरमुकाम तौलिहवामा आयोजित आमसभामा बोल्दै प्रधानमन्त्री देउवाले यो निर्वाचनबाट दुई तिहाई बहुमत जुटाई वर्तमान संविधानलाई खारेज गरी निरंकुश कम्युनिष्ट शासन व्यवस्था लाद्न खोज्नु वाम गठवन्धनको दिवा स्वप्न मात्र भएको बताए।
नेपाली जनताले राणा, पंचायत र राजाको शाहीकालको निरंकुशतालाई जरैबाट उखेर फालेको इतिहासको स्मरण गराउदै प्रधानमन्त्री देउवाले वाम गठवन्धनको ल्याउन खोजेको अभिनयाकवादलाई नेपाली जनताले स्वीकार गर्न नगर्ने दावी गरे।
प्रधानमंत्री देउवाले संविधानको कार्यान्वयनमार्फत राजनैतिक स्थिरता कायम गरी मूलुकलाई आर्थिक समृद्धिको बाटोमा अघि बढाउन जरुरी भएको बताए।
प्रतिक्रिया