एमाले–माओवादी बाहिरै राखेर प्रदेश प्रमुख भागबण्डा, को–को बन्दैछन् ?
सारांश
- काठमाडौं, माघ ३ ।
- सरकारले आज प्रदेशको अस्थायी राजधानी तोक्ने र प्रदेश प्रमुख नियुक्ति गर्ने भएको छ ।
- त्यसका लागि प्रधानमन्त्री निवास बालुवाटारमा केहीबेरमा मन्त्रिपरिषद्को बैठक बस्दैछ ।
काठमाडौं, माघ ३ । सरकारले आज प्रदेशको अस्थायी राजधानी तोक्ने र प्रदेश प्रमुख नियुक्ति गर्ने भएको छ । त्यसका लागि प्रधानमन्त्री निवास बालुवाटारमा केहीबेरमा मन्त्रिपरिषद्को बैठक बस्दैछ ।
सरकारले सातमध्ये चार प्रदेश प्रमुख कांग्रेसले आफु निकटबाट प्रस्ताव गरेको छ भने अन्य तीन दललाई तीन वटा प्रदेश प्रमुख छुट्याएको छ । सरकारले संघीय समाजवादी फोरम, राष्ट्रिय प्रजातन्त्र पार्टी र राष्ट्रिय जनता पार्टीलाई एक–एक प्रदेश प्रमुख प्रस्ताव गरेको हो ।
बालुवाटारमा जारी आजको मन्त्रिपरिषद बैठकमा पेश भएको प्रस्तावित प्रदेश प्रमुखहरुमा प्रदेश १ गोविन्द सुब्बा (राप्रपा), प्रदेश २ उमकान्त झा (राजपा), प्रदेश ३ अनुराधा कोइराला (काँग्रेस), प्रदेश ४ बाबुराम कुँवर (काँग्रेस), प्रदेश ५ रत्नेश्वरलाल कायस्थ (फोरम) तथा प्रदेश ६ कृष्ण केशरी खनाल (काँग्रेस) रहेका छन् ।
सरकारले सबैभन्दा ठूलो दल नेकपा एमाले तथा तेस्रो ठूलो दल माओवादीलाई बाहिर राख्दै सात प्रदेश प्रमुखको चयन प्रक्रिया अघि बढाएको हो ।
स्रोतका अनुसार सरकारले विराटनगर, जनकपुर, ललितपुर, पोखरा, बुटवल, सुर्खेत र धनगढीलाई अस्थायी मुकाम तोक्ने तयारी गरेको बताइएको छ ।
प्रतिक्रिया