राष्ट्रियसभा उपाध्यक्षमा माओवादी केन्द्रकै शशिकला, अझै लागेन मन्त्रीको अन्तिम टुङ्गो
सारांश
- काठमाडौं, १ चैत ।
- राष्ट्रियसभाको उपाध्यक्षमा पनि माओवादी केन्द्रकै शशिकला दाहालको नाम टुङ्गो लागेको छ ।
- प्रदेश नं.
काठमाडौं, १ चैत । राष्ट्रियसभाको उपाध्यक्षमा पनि माओवादी केन्द्रकै शशिकला दाहालको नाम टुङ्गो लागेको छ । प्रदेश नं. २ बाट राष्ट्रियसभामा निर्वाचित सांसद शशिकला दाहाललाई राष्ट्रियसभाको उपाध्यक्षमा उम्मेदवार बनाउने निर्णय माओवादी केन्द्रको केन्द्रीय कार्यालय बैठकले बिहीबार गरेको हो ।
बिहीबार अपरान्ह बसेको माओवादी केन्द्रीय कार्यालयको बैठकले उपराष्ट्रपति र राष्ट्रियसभा उपाध्यक्षको उम्मेदवारको टुंगो लगाएको हो । उपराष्ट्रपति नन्दबहादुर पुन “पासाङ” दोस्रो कार्यकालका लागि दोहोरिन थालेका हुन् ।
उपराष्ट्रपति र राष्ट्रियसभाका उपाध्यक्षको नाम टुङ्गो लागे तापनि सरकारमा सहभागी हुने मन्त्रीहरुको नाम भने अझै टुङ्गो लागेको छैन । शुक्रबार मन्त्रिपरिषद बिस्तार गर्ने तयारी भए तापनि थपिने मन्त्रिहरुको अन्तिम नामावली माओवादी केन्द्रले तयार पार्न सकेको छैन ।
माओवादी केन्द्रको तर्फबाट थपिने ४ मन्त्रीहरुमा वर्षमान पुन “अनन्त”, बिना मगर, गिरिराजमणि पोखरेल, शक्तिबहादुर बस्नेत, जनार्दन शर्मा, अमनलाल मोदी, दुर्गा विक लगायतको चर्चा छ । सबै दृष्टिले समावेशी हुनेगरी मन्त्रीहरुको नाम अन्तिम टुङ्गो लगाउने जिम्मा अध्यक्ष प्रचण्डलाई दिइएको छ ।
प्रतिक्रिया