‘अल्पसंख्यक र लोपोन्मुख समुदायका लागि विशेष कार्यक्रम ल्याइने’
सारांश
- सुर्खेत, १९ वैशाख,कर्णाली प्रदेशका मुख्यमन्त्री महेन्द्रबहादुर शाहीले अल्पसंख्यक, लोपोन्मुख तथा सीमान्तकृत समुदायका लागि प्रदेश सरकारले विशेष कार्यक्रम ल्याउने बताउनु भएको छ ।
- आज कर्णाली प्रदेश राजधानी सुर्खेतमा लोपोन्मुख तथा सीमान्तकृत समाज उत्थान, नेपालसँगको भेटमा मुख्यमन्त्री शाहीले विशेष कार्यक्रम ल्याउने प्रतिबद्धता जनाउनुभएको हो ।
- प्रदेश सरकारको समग्र ध्यान यहाँको विकास र समृद्धिमा रहेको जनाउँदै उहाँले प्रदेश समृद्धिको योजनामा यी तीनवटै समुदाय उच्च प्राथमिकतामा रहने वचन दिनुभयो ।
सुर्खेत, १९ वैशाख,कर्णाली प्रदेशका मुख्यमन्त्री महेन्द्रबहादुर शाहीले अल्पसंख्यक, लोपोन्मुख तथा सीमान्तकृत समुदायका लागि प्रदेश सरकारले विशेष कार्यक्रम ल्याउने बताउनु भएको छ ।
आज कर्णाली प्रदेश राजधानी सुर्खेतमा लोपोन्मुख तथा सीमान्तकृत समाज उत्थान, नेपालसँगको भेटमा मुख्यमन्त्री शाहीले विशेष कार्यक्रम ल्याउने प्रतिबद्धता जनाउनुभएको हो ।
प्रदेश सरकारको समग्र ध्यान यहाँको विकास र समृद्धिमा रहेको जनाउँदै उहाँले प्रदेश समृद्धिको योजनामा यी तीनवटै समुदाय उच्च प्राथमिकतामा रहने वचन दिनुभयो । लोपोन्मुख तथा सीमान्तकृत समुदायमा पर्ने राजी समुदायको आयआर्जनका साथै होमस्टे सञ्चालन गर्न प्रदेश सरकारले चालु आवमै १० वटा परम्परागत घर निर्माणार्थ अनुदानको व्यवस्था गर्ने उहाँको भनाइ थियो ।
त्यसैबीच, परम्परागत संस्कृति झल्कनेगरी होमस्टे सञ्चालनको तयारी गर्नसमेत मुख्यमन्त्री शाहीले लोपोन्मुख तथा सीमान्तकृत समाज उत्थानको टोलीलाई आग्रह गर्नु भएको थियो ।
लोपोन्मुख तथा सीमान्तकृत समाज उत्थान नेपालका केन्द्रीय अध्यक्ष लालबहादुर राजीले नेपालको संविधानमा अल्पसंख्यक र अपाङ्गता भएका समुदायलाई एउटै समूहमा राखेर आरक्षणको व्यवस्था गरिँदा आफूहरुलाई अन्याय भएको बताउनुभयो । यो समुदाय उत्थानका लागि संविधानमा अल्पसंख्यक भनेर तोकेरै आरक्षित समूह भनेर व्यवस्था गर्न अध्यक्ष राजीले माग राख्नु भएको थियो ।
प्रतिक्रिया
Justin Biral
? ℓσνє? тнє? ℓιfє? уσυ? ℓινє,? αи∂? ℓινє? тнє? ℓιfє? уσυ? ℓσνє
? CH BOTTERZ ? SURAJ-KING,TK ?