मजदूरको न्युनतम तलब १४ हजार
सारांश
- काठमाडौँ ।
- श्रमिकहरुको न्यूनतम तलब १४ हजार रुपैयाँ हुने भएको छ ।
- रोजगारदाता र ट्रेड युनियनबीच देखिएको सहमतिमा श्रमिकको न्यूनतम पारिश्रमिक १४ हजार रुपैयाँ वरिपरि हुने भएको छ ।
काठमाडौँ । श्रमिकहरुको न्यूनतम तलब १४ हजार रुपैयाँ हुने भएको छ । रोजगारदाता र ट्रेड युनियनबीच देखिएको सहमतिमा श्रमिकको न्यूनतम पारिश्रमिक १४ हजार रुपैयाँ वरिपरि हुने भएको छ ।
हिजो आइतबार न्यूनतम पारिश्रमिक निर्धारण समितिको बैठकमा रोजगारदाता र ट्रेड युनियनबीच सहमति नजिक पुगेका छन् ।
रोजगारदाताले मजदुरका लागि मासिक १२ हजार ५ सय रुपैयाँ प्रस्ताव गरेका थिए । ट्रेड युनियनले भने १७ हजार रुपैयाँ माग गरेका थिए । दुवै पक्ष बीच बसेको वैठकमा श्रमिक भने १४ हजार ५ सय रुपैयाँ दिनुपर्ने अडानमा छन् ।
रोजगारदाता र ट्रेड युनियनबीच भएको सहमति श्रम, रोजगार तथा सामाजिक सुरक्षा मन्त्रालयले निर्णय गर्नेछ । सरकारले यही साउन १ गतेबाट नयाँ पारिश्रमिक दिनुपर्ने देखिएको छ ।
नेपाल उद्योग वाणिज्य संघका उपाध्यक्ष चन्द्र ढकालले न्युनतम तलबमा दुवै पक्ष सहमति नजिक पुगेको बताएका छन् ।
प्रतिक्रिया