चलचित्र ‘निर्जला’को ‘भाले मोटर’ सार्वजनिक

काठमाडौं, १८ साउन । चलचित्र ‘निर्जला’को गीत ‘भाले मोटर’ सार्वजनिक  भएकाे छ । मंगलबार एक कार्यक्रमको आयोजना गर्दै राजु गिरीद्वारा निर्देशित  चलचित्रको पहिलो गीत सार्वजनिक गरिएको हो।

गित सार्वजनिक गर्दै  गिरीले चलचित्र  ‘निर्जला’ विगतका आफ्ना चलचित्रभन्दा फरक रहेको बताए। ‘यो गाउँले परिवेशको आर्गनिक चलचित्र हो’, उनले भने । चलचित्रका निर्माता प्रकाशचन्द्र न्यौपानेले निर्जला आम नेपाली नारीको कथा बोल्ने बताए । सार्वजनिक गीत भाले मोटरलाई सलिल सुन्दर तुलाधर र सवनम आचार्यले गाएका हुन् । गीतको भिडियोमा नायिका शुभेच्छा थापा, नायक किशोर खतिवडा र निक शर्माले नृत्य गरेका छन् ।

कार्यक्रममा चलचित्र कलाकार संघका अध्यक्ष रामकेशर बोगटी, चलचित्र निर्माता संघका अध्यक्ष आकाश अधिकारी र चलचित्र निर्माता संघ नेपालका अध्यक्ष नवल खड्काले निर्जलालाई सफलताको शुभकामना दिएका थिए । प्रकाश चन्द्र न्यौपाने प्रस्तुतकर्ता रहेको यो चलचित्र नायिका शुभेच्छाथापाकाे कथा रहेकाे छ । रबि कोइरालाको छायाँकन रहेको चलचित्रलाई तारा थापाले सम्पादन गरेका हुन् ।

चलचित्र आउँदो असोज १९ गतेबाट देशभरका सिनेमाघरमा आउने तयारीमा छ ।चलचित्रमा किशोर खतिवडा, शुभेच्छा थापा र निम शर्माका अलवा श्याम राई, पल्पसा डंगोल, रश्मी भट्ट, राजकुमार थापा, राजेन्द्र गिरी, भीम खनाल, बाले तामाङ, अन्जली घिसिङ प्रेम पौडेल, बालकलाकार सागर गिरीलगायतका कलाकारको अभिनय रहेको बताइएकाे छ । बाबुल गिरीको शब्द र सङ्गीत रहेको गीतको कोरियोग्राफी क्रान्ति केसीले गरेका छन् ।