लामो समयपछि दीपा नारायण झाले गाईन नेपाली गीत- देखु देखु लाग्छ

काठमाडौ – देखु देखु लाग्छ तिमीलाई भेटु भेटु लाग्छ तिमीलाई , तिम्रै साथमा हराएर संसारै भुलु लाग्छ – भन्ने नयां गीत युट्युव मार्फत सार्वजनिक भएको छ । गायिका दीपा नारायण झाको स्वरमा नमस्ते डिजिटल नेपाल स्टुडियोले सार्वजनिक गरेको हो । गीतमा संगित आलोक श्रीले भरेका छन् भने शव्द नारायण खतिवडाको रहेको छ ।

गीतको म्युजिक भिडियो उत्कृष्ट बनेको छ । किङ्डम प्रोडक्सनले निर्माण गरेको म्युजिक भिडियोमा राजन शाही र अस्मी महर्जनले अभिनय गरेका छन् भने राम श्रेष्ठले निर्देशन गरेका छन् । राम श्रीलंकन फिल्ममा काम गर्दै आएका निर्देशक हुन् ।

प्रोडक्सन क्रिउमा लक्क्षमण श्रेष्ठ, आओष महर्जन, अमन महर्जन , जीस्सल राना , विकास महर्जन र अभिनाश डंगोल छन् । भिडियो निर्देशन गरेका राम श्रेष्ठ , कुनै दिन आउंछ की , र यमबुद्ध जस्तो गीतमा निर्देशन गरिसकेका छन् । अव छिट्टै बजारमा किङडम प्रोडक्सनले गायक सिद्धार्थ श्रेष्ठको स्वरमा यस्तै माया भन्ने बोलको गीत ल्याउने तयारी गरिरहेका छन् ।