तयार भयो उड्ने कार- के हामी पनि यो जाम को सास्ती बाट मुक्त हुन्छौं त ?

बढ्दो ट्राफिक जामलाई मध्यनजर गर्दै वैज्ञानिकहरूले त्यसको समाधानका रूपमा उड्ने कारलाई अघि सारेको वर्षांै बितिसकेको छ । उड्ने कारको निर्माणमा धेरै कम्पनी लागिपरे पनि पोर्चुगलको स्टार्ट अप कम्पनीले सफलताको दावा गर्दै निकट भविष्यमै यसको व्यवसायिक उत्पादन थाल्ने बताएको छ । कम्पनीले हालै उड्ने कारको परीक्षण गरेको थियो । हवाई तथा सडक यातायातलाई ध्यानमा राखेर निर्माण गरिएको यो कारले सडकमा गुड्दै भुइँ छाडेको थियो भने त्यसले आकाशबाट जमिनमा सफल अवतरणसमेत गरेको थियो ।

यो उड्ने कारमा पनि विमानहरूको जस्तै तीनवटा पाङ्ग्रा राखिएको छ भने उड्नका लागि हेलिकप्टरको ब्लेड प्रयोग गरिएको छ । कारका रूपमा काम गर्नुपदा उक्त ब्लेड फोल्डिङ हुन्छ । कार आकाशमा उड्दा उक्त ब्लेडले काम गर्छ भने सवारीको गति बढाउन प्रोपेलरले काम गर्छ । यसमा १ सय हर्ज पावरको दुईवटा इन्जिन छ । १ सय ७७ किलोमिटर प्रतिघन्टाको गतिमा उड्ने यो कार सडकमा भने १ सय ६१ किलोमिटर प्रतिघण्टाको रफ्तारमा गुड्न सक्छ । यो कारलाई उडान भर्न १० मिनेट लाग्ने गरेको छ । यो कारमा पाइलटसहित दुई जना मात्र अट्न सक्छन् । यो कारलाई चलाउन पाइलटको लाइसेन्स लिनुपर्ने हुन्छ भने उडानको अनुभव न्यूनतम २५ घण्टा हुनुपर्छ ।
नेपाल मा कहिले आउँला त उड्ने कार । के हामी पनि यो जाम को सास्ती बाट मुक्त हुन्छौं त ?