काठमाडौँ चल्यो बिजुली बस

प्रदेश ३ सरकार, काठमाडौं र ललितपुर महानगर र साझा यातायात प्रालि बीच काठमाडौं उपत्यकामा विजुली बस सञ्चालन गर्ने सहमति भएको छ । सोमबार एक कार्यक्रमकाबीच समझदारी पत्रमा हस्ताक्षर भएको हो ।

कार्यक्रममा विद्युतीय बस खरिदका लागि प्रदेश ३ सरकारले साझा यातायातलाई ३० करोड रुपैयाँ हस्तान्तरण गरेको छ । सहमतिअनुसार काठमाडौं महानगरले १० करोड दिनेछ भने ललितपुर महानगर र साझा यातायातले समान २ करोड ५० लाख रुपैयाँका दरले लगानी गर्नेछन् ।

ललितपुरले सोमबार नै २ करोड ५० लाख रुपैयाँको चेक हस्तान्तरण गरेको छ । कार्यक्रममा प्रदेश ३ का मुख्यमन्त्री डोरमणि पौडेलले सबै ठाउँमा विद्युतीय बस सञ्चालन गर्नुपर्नेमा जोड दिए ।

सिसडोलबासीले फोहोरको गाडीलाई अवरोध नगर्ने
सहमति अनुसार सिसडोलका स्थानीयले काठमाडौंबाट फोहोर लिई जाने गाडीलाई अवरोध गर्ने छैनन् । उनीहरूले प्रभावित क्षेत्रका बासिन्दालाई दिइँदै आएको क्षतिपूर्ति बढाउनुपर्ने, बाँकी क्षेत्रसमेत तत्काल अधिग्रहण गर्नुपर्ने लगायत माग राख्दै ५ दिनदेखि फोहोर लिएर आउने गाडी रोकेका थिए ।

महानगर र सिसडोलवासीबीचको सहमतिमा स्थानीयको माग पूरा गर्न दुवै पक्षको प्रतिनिधित्व रहेको १३ सदस्यीय समिति गठन भएको छ । समितिले सिफारिस गरेअनुसार महानगरले स्थानीयको माग पूरा गर्नेछ ।

पहिलो बैठकले समितिका संयोजक तोक्नेछ । समितिले अध्ययन गरी महानगरलाई प्रतिवेदन बुझाउने र त्यसैअनुसार माग पूरा गर्दै जाने सहमति भएको बैठकमा सहभागी महानगरका एक अधिकारीले जानकारी दिए ।