गुगलले यसरी सम्झ्यो नेपालको गणतन्त्र दिवस

काठमाडौं, १५ जेठ- विश्वभर निकै लोकप्रिय बन्न पुगेको गुगल सर्च इन्जिनले नेपालको गणतन्त्र दिवसलाई आज होमपेजमा राखेको छ । गुगलले नेपालको गणतन्त्र दिवसलाई सगरमाथा देखिने गरी आफ्नो होमपेजमा राख्दै सम्मान गरेको छ । विभिन्न देशमा हुने महत्वपूर्ण अवसरलाई गुगलले आफ्नो होम पेजमा राख्ने गरेको देखिन्छ ।

११ औं गणतन्त्र दिवसको अवसरमा गुगलले पहिलोपटक सर्च इन्जिनको होमपेजमा सगरमाथा, स्वयम्भू, पशुपतिनाथ लगायतका स्थानलाई प्राथमिकतामा राखेको छ । गुगलले ध्वजापताका सहितको विशेष आकृति राख्दै नेपालप्रति सम्मान प्रकट गरेको छ । गुगल सर्च गर्नेहरुले आज गणतन्त्र दिवसको ब्यानर देख्नेछन् ।

गुगलले आफ्नो डुडल पेजले आजका दिन सारा नेपालीलाई आफु बिश्वका लागि प्रेरणा बनेको महसुस गराउने बिश्वास ब्यक्त गरेको छ । नेपालीहरुको उच्च लगनशीलताले हामी सवैको मार्गमा प्रकाश छर्ने गुगलले विश्वास लिएको छ ।

गुगलले आफ्नो ब्लगपोष्टमा एक दशक लामो विद्रोह, आन्दोलनपछि सन् २००८ मे २८ मा नेपाल संघीय लोकतान्त्रिक गणतन्त्र आएको बताएको छ । नेपाल शान्ति र अधिकारको सान सहित अन्तराष्ट्रिय प्रतिक बनेको उल्लेख गरेको छ ।

गुगगले राखेको तस्वीरले राष्ट्रिय दिवसको उत्सव, बुद्धको प्राथना र विश्वका लागि मार्गदर्शक प्रकाशको अर्थ दिने बताएको छ ।

गुगलले अन्त्यमा भनेको छ, ‘विल सी यु एट द पिक एगेन’ !