ज्योतिष विज्ञान अनुसार राक्षण गणमा जन्मिने मानिसको स्वभाव र खुबी कस्तो हुन्छ ?

मानिस जन्मिदा ग्रह नक्षत्र र गौचर अनुसार ती गणमा जन्मिन पुग्छन् । ज्योतिष विज्ञान अनुसार देव, मनुष्य र राक्षस तीन गण रहेका छन् । आज हामी राक्षस गणमा जन्मिएका मानिसको कस्तो स्वभाव र खुबी हुन्छ, त्यसको चर्चा गर्दैछौँ । राक्षसा गण भन्ने वित्तिकै धेरैले नकरात्मक सोच्न सक्छन् तर राक्षस गणमा जन्मिने बित्तिकै मानिसको पनि स्वभाव त्यस्तै हुन्छ भन्ने होइन ।

राक्षस गणसँग सम्बन्ध भएका मानिसमा कुनै पनि काम तिव्रता र डटेर गर्ने खुबी हुन्छ । ज्योतिष विधालाई मान्ने हो भने यो गणमा जन्मिएका मानिसमा आफ्नो वरिपरिका नकरात्मक शक्ति र गतिविधिलाई बारेमा अरुभन्दा चाँडै थाहा पाउने क्षमता हुन्छ । त्यसबाहेक यो गणका मानिसमा छैठौ इन्द्रिय अर्थात् सिक्स सेन्स एकदमै राम्रो हुन्छ ।

सिक्स सेन्स राम्रो भएकै कारण उनीहरु आफ्नो वरिपरि हुने सम्भावित घटनाको बारेमा अगाडि नै थाहा पाउन सक्छन् । यो गणका मानिस साहसी हुनुका साथै कडा इच्छाशक्ति भएका हुन्छन् । उनीहरुको जीवन जिउने शैली  एकदमै स्वच्छन्द हुन्छ । कसैको अधिनमा बस्न रुचाउँदैछन् । त्यसैले यो गणका मानिस जागिर खानु वा दबिएर बस्नुको साटो व्यापार व्यवसाय गर्ने स्वभावका हुन्छन् ।

विप्लवका छोराको यस्तो धम्कीः बदला लिएरै छोड्छौ
काठमाडौं । नेत्रविक्रम चन्द विप्लव नेतृत्वको नेकपा समूहलाई सरकारले प्रतिबन्ध लगाएको छ । प्रतिबन्धपछि विप्लवका अधिकांश नेता–कार्यकर्ता भूमिगत छन् । र, एकाध हिंसात्मक बाहेक उसका गतिविधि देखिएका छैनन् ।

विप्लव नेतृत्वको पार्टी भूमिगत भएपनि उनका छोरा प्रकाश चितवनको एक चिकित्साशास्त्र क्याम्पसमा एमबीबीएस पढाइ पूरा गरेर प्रशिक्षार्थी चिकित्सकका रुपमा कार्यरत छन् । र, आफ्नो ठाउँबाट प्रतिबन्धित नेकपालाई सघाइ रहेका छन् ।

उनले केही दिनअघि आफ्नो रुपन्देहीस्थित गाउँमा पुगेर स्वास्थ्य शिविर नै गरे । गाउँलेहरूको स्वास्थ जाँचे । यति त ठीकै थियो, उनले देशको स्वास्थ्यको पनि कुरा गरे । सरकारी दमनको कडा शब्दमा भत्र्सना गरे । विभिन्न हत्या श्रृंखलाको प्रसंगमा उत्तेजित देखिएका उनले स्वास्थ्यकर्मीको भेषमै भने– एक–एक गोली र रगतको बदला लिएरै छाड्ने छौं ।’

पार्टी्निकट जनस्वास्थ्यकर्मी संगठनले गरेको कार्यक्रममा प्रकाशले व्यक्त गरेका भनाइ उनकै शब्दमाः
नेत्रविक्रम चन्द विप्लव नेतृत्वको नेपाल कम्युनिस्ट पार्टी (नेकपा) माथि सरकारले आग्रह पालेको छ । ऊ दमनमा उत्रिएको छ । सच्चा देशभक्तहरूलाई हतोत्साहित र निराश पार्न अनेक अस्त्र प्रयोग गरिरहेको छ । असार ५ गते मात्रै सर्लाहीका हाम्रा जिल्ला इञ्चार्ज कुमार पौडेलको हत्या गरिएको छ । गौंडामा ढुकेर नियन्त्रणमा लिएको प्रहरीले विभत्स हत्या गरेको छ । र, भनिँदै छ, मुठभेडका क्रममा कुमार पौडेलको मृत्यु भयो ।

यो सरासर झूट हो । यो श्रृखला यतिमै सीमित छैन । त्योभन्दा अगाडि भोजपुरमा पनि यसैगरी हाम्रो पार्टीका कमरेडमाथि गोली दागिएको छ । क्रान्ति, परिवर्तन र सुशासनको कुरा गर्दा कैयनलाई जेलको कोठरीमा थुनेर दबाउने निर्लज्जता सरकारले प्रहसन गरेको छ । यसको जति नै आलोचना र भत्र्सना गरे पनि अधुरो र अपूरो नै हुन्छ ।

दमन गरेपछि विप्लव समूह दूला पस्छन् भन्ने भ्रम सरकारमा छ । म यहीबाट सरकारलाई भन्न चाहन्छु– एक–एक गोली र रगतको बदला लिएर हामी देखाउँछौं । भावना बहकिएर आक्रोसमा ल्याउन म यस्तो भनिरहेको छैन । सबै प्रष्ट भए हुन्छ– हामी न्याय र मुक्तिका लागि जस्तोसुकै कठोर कदम चाल्न पनि तयार छौं ।

सहरमा जतिसुकै ठूला संघर्ष गरे पनि, त्यहाँका मालिकसँग संघर्ष परे पनि, नटराजसँग जतिधेरै लड्नु परे पनि गाउँलाई हामी कहिल्यै बिर्सने छैनौं । घाइते, बेपत्ता र शहीदहरूले रगतका थोपा–थोपा बगाएर हामीलाई यो स्थानसम्म पु¥याउनु भएको छ । यो गुनलाई पनि हामीले बिर्सने छैनौं । बरु आत्मसाथ गरेर लक्ष्य प्राप्तिको यात्रा अघि बढाउने छौं ।

म पेशाले चिकित्सक हुँ । केही समयअघिको एक अन्तरवार्तामा मैले प्रष्ट रुपमा मेरो लक्ष्य के हो भनेर प्रष्ट पारिसकेको छु । र, फेरि पनि भन्न चाहन्छु– मेरो ९५ प्रतिशत तन, मन, देन यो क्रान्तिलाई पूरा गर्नेमै केन्द्रित हुनेछ । अब हुने मुठभेड र संघर्षलाई सफल पार्नमा जस्तोसुकै अवरोध आए पनि त्यसलाई छिचोल्न खर्चने छु । रह्यो बाँकी ५ प्रतिशत समय । यो समय भने आफ्नो प्रोफेसनमा बिताउने प्रण आम नेपालीसमक्ष गर्दछु । म मात्रै होइन, नेकपानिकट जनस्वास्थ्यकर्मी संगठनको बटमलाइन पनि यही हो ।

हामीले अहिलेको मुर्दा शान्तिभन्दा पृथक किसिमको समाज र राज्य चाहेका छौं । परिवर्तन चाहेका छौं । हामी सहरमा होइन, गाउँमा फर्कन चाहेका छौं । सहरको रमझममा भुलेर जनताको दुःख हामी कहिल्यै बिर्सने छैनौं । जनताको बीचमा आएर आधारभूत आवश्यकता पूर्तिका लागि हामी स्वास्थ्य शिविर मात्रै होइन, प¥यो भने बलिदान दिन पनि तयार छौं । यो हाम्रो क्रान्तिकारी स्पिरिट हो । यसमा कहीँकतै दायाँ–बायाँ हुनेछैन । तलमाथि हुनेछैन । साँघुन्युजबाट

यी ३३ देश जान नेपालीलाई भिषा चाहिदैन, थाहा पाउनुस् कुन कुन देश हुन्
आर्थिक रुपमा कमजोर भएकै कारण नेपालीलाई विश्वका धेरै देशले भिसा दिन मान्दैनन । तर विश्वमा यस्ता केही देशहरु पनि छन् जहाँ नेपाली बिना भिसा नै मज्जासँग घुम्न सक्नछन् । नेपालीहरु पूर्व भिसा स्वीकृती नलिएरै पनि यी देशहरु घुम्न जान सक्छन् । यी मध्ये केही देशहरुले नेपालीलाई आफ्नो एयरपोर्टमा आइपुगेपछि त्यहाँकै अध्यागमन विभागबाट ‘ अन अराइभल’ भिसा दिन्छन् भने कही नेपालीलाई भिसा नचाहिने देशहरु पनि छन् । तपाईसँग समय अवधि ननाघेको राहदानी छ भने यी देश पुग्न वा घुम्न जानु तपाईलाई धेरै कागजपत्र मिलाउने झन्झट पनि हुन्न र भिसा नपाइएला भनेर चिन्ता पनि गर्नुपर्दैन । तर जुनसुकै देशको पनि नियम कानून परिवर्तन भइराख्ने भएकाले त्यो देश जानु अघि भिसा प्रक्रियाको बारेमा बुझ्नु बुद्धिमानी हुन्छ । बिना भिसा जान सकिने देशहरुः

एशियामा नेपालीलाई भिसा नचाहिने देशहरु
कम्बोडिया जान नेपालीलाई भिषाको आवश्यकता पदैैन । एयरपोर्टमै अन अराइभल भिसा पाइने कम्बोडियामा नेपालीले ३० सम्म बस्न पाउँछन् । नेपालीलाई सबैभन्दा सजिलोसँग जान पाइने एसियन देश हो भारत । भारत जान नेपालीलाई कुनै भिषा चाहिदैन । त्यस्तै नेपालीले भारतमा निर्वाधरुपमा बस्न र काम गर्न पनि पाउँछन् ।

इण्डोनेसिया जान पनि नेपालीलाई भिसा चाहिदैन । इण्डोनेसिया बस्न नेपालीलाई ३० दिनसम्म भिषा चाहिदैन । नेपालीले लाओसमा अन अराइभल भिसाा लिन पाउँछन् र एक पटक भिसा लिएपछि ३० दिनसम्म बस्न सक्छन् । नेपालीले माल्दिभ्समा पनि अन अराइभल भिसा लिएर ३० दिनसम्म बस्न पाउँछन् । पाकिस्तान जान पनि नेपालीलाई भिसा चाहिदैन । त्यहाँ पनि नेपाली ३० दिनसम्म बस्न पाउँछन् ।

फिलिपिन्समा पनि नेपालीलाई भिसाा चाहिदैन । त्यहाँ पनि विमानस्थलमै अन अराइभल भिसा लिन सकिन्छ । एक पटक भिसा लिएपछि फिलिपिन्समा पनि ३० दिनसम्म बस्न सकिन्छ । नेपालीले बिना भिसा जान पाउने अर्को देश हो सिंगापुर । सिंगापुरमा ३० दिनसम्म बिना भिसा बस्न पाइन्छ । अन अराइभल भिसा लिएर नेपालीले इष्ट टिमोरमा पनि ३० दिनसम्म बस्न पाउँछन् ।

अफ्रिकामा नेपाली बिना भिसा जान पाउने देशहरुः
अफ्रिकी देश केप भर्डे, कोमोरोस, जिबोटी, गाम्बिया, गिनि बिसाउ, माडागास्कार, मौरिसेनियास, मौरिसस, मोजाम्बिक, सेनेगल, सइसेल्स, ताञ्जानिया, टोगो र युगााण्डा जान पनि नेपालीलाई पहिले नै भिसा लिनु पर्र्दैन । यी अफ्रिकी देशहरुमा नेपालीले अन अराइभल भिसा लिएर ७ देखि ९० दिनसम्म बस्न पाउँछन् ।

दक्षिण अमेरिकी महादेशको बोलिभियामा पनि नेपाली एयरपोर्टमै अन राइभल भिसा पाउछन् । बोलिभियाको अध्यागम विभागले नेपालीलाई ९० दिनको अन अराइभल भिसा दिन्छ ।

उत्तर अमेरिकी महादेशको डोमिनिका, हैटी, सेन्ट भिसेन्ट एण्ड दि ग्रेनेडिन्स, माइक्रोनेया लगायतका देशमा पनि नेपालीले बिना भिसा जान पाउँछन् । त्यस्तै पलाउ, सामोआ, तुभालु लगायतका देशमा पनि नेपाली भिसा बिना नै घुम्न पाउँछन् । यी देशहरुमा नेपालीले ३० दिनसम्मको अन अराइभल भिसा लिन सक्छन् ।

पूर्वपश्चिम राजमार्गमा पुल भत्कियो
पूर्वपश्चिम राजमार्ग अन्तर्गत महोत्तरी बर्दिवास नगरपालिकास्थित भप्सी पुल बाढीले बगाएको छ । पुलको बीच भाग नै भत्किएपछि आवत(जावत ठप्प छ ।
अविरल वर्षापछि आएको बाढीले पुल बगाउँदा पूर्वपश्चिम राजमार्ग पूर्णरुपमा अवरुद्ध भएको प्रमुख जिल्ला अधिकारी उमेश ढकालले जानकारी दिए ।

पुल भत्किएपछि बर्दिवास नगरपालिका ५ सशस्त्र प्रहरीको माइस्थान चेकपोष्टतर्फ र रातुखोलातर्फ सयौं गाडीहरु रोकिएका छन् । रातिदेखि नै यात्रुहरु सडकमा अलपत्र छन् । कतिपय यात्रुहरु भने जोखिम मोलेर खोलाको बाढी तरेर वारपार गरेका छन् ।

शनिबार बिहान विपत व्यवस्थापन समितिको बैठक बसेको छ । बैठकले जिल्लामा उद्धार तथा राहतका लागि सकृयतापूर्वक जनशक्ति परिचालन गर्ने निर्णय गरेको छ ।

महोत्तरीको १४ नम्बर बजारका केही घरहरुमा सडकको पानी पसेको छ भने किसाननगरमा ३ वटा घर भत्किएको बर्दिवास नगरपालिका वडा नम्बर ७ का अध्यक्ष फागुनी मगरले बताए ।

बर्दिवास नगरपालिका १ मा रहेको पानी खोल्सीले राजमार्ग पनि भत्काएको छ । त्यहाँका चार(पाँच घरमा गिट्टी माटो पसेको स्थानीयले जानकारी दिएका छन् । रातिदेखि नै नेपाल टेलिकमका पोष्टपेड र प्रिपेड मोबाइलमा सम्पर्क नहुने समस्या पनि आएको छ ।

गोदावरी खोलाले जीप बगायो, खोलामा पानी बढेपछि स्थानीय नाकाबन्दीमा
बाढीले गोदावरी खोलाको बहाव खतराभन्दा माथि पुगेपछि महालक्ष्मी नगरपालिकाका बासिन्दामाथि नाकाबन्दी लागेको छ । दुई आर्थिक वर्ष बितिसक्दा पनि अन्र्तगत सिद्धिपुर(लुभु जोड्ने मुख्य सडकको पुल निर्माण पूरा नहुँदा दशौं हजारलाई नाकाबन्दी लागेको छ ।

अविरल वर्षाका कारण आएको बाढीले अस्थायी आवागमनका लागि राखिएको ढलभन्दा निकै माथि पानीको सतह पुगेपछि वडा नम्बर ७,८,९ र १० का बासिन्दा खोला वारपार गर्न पाएका छैनन् । शुक्रबार विहान अस्थायी कलभर्ट तरेर गएकाहरु साँझ घर फर्कन सकेनन् । फर्केर आफन्तकोमा बस्न पुगे । कोही वैकल्पिक मार्ग खोज्दै हिंडे ।

यसै आर्थिक वर्ष्िभत्र सम्पन्न भइसक्नुपर्ने पुल विभिन्न बहानामा पूरा हुन सकेको छैन । पुलको तल्लो पिलर मात्र जोडिएको छ । ग्वार्को लामाटार सडक खण्डको गोदावरी खोलाको पुल नबन्दा गत वर्ष पनि जीप बगाएको थियो । यस वर्ष पनि बगाउन लागेको जीपलाई स्काभेटरको सहायताले निकालियो ।

पुल समयमा नबन्दा स्थानीयवासी जनप्रतिनिधिहरुसँग आक्रोशित भएका छन् । उनीहरुले कामभन्दा कुरा धेरै गरेको भनी असन्तुष्टि पोखेका छन् ।

सिद्धिपुरबाट बिसनडोल हुँदै लुभु जाने वैकल्पिक मार्ग पनि निर्माणाधीन भएकाले हजारौं बासिन्दालाई आवतजावत गर्न कठिनाई परिरहेको छ ।