पुलिस र प्रदेश नं. १ को विजयी सुरुवात

काठमाडौँ, १४ जेठ । काठमाडौँमा जारी प्रधानमन्त्री कप क्रिकेटमा नेपाल पुलिस क्लब र प्रदेश नं. १ ले विजयी सुरुवात गरेका छन् ।

त्रिवि क्रिकेट ग्रउण्ड र मुलपानी खेल मैदानमा भएको छुट्टाछुट्टै खेलमा प्रदेश नं. ७ र प्रदेश नं. २ लाई हराउँदै नेपाल पुलिस क्लब र प्रदेश नं. १ ले विजयी सुरुवात गरेका हुन् ।

सोमबार त्रिवि क्रिकेट ग्राउण्डमा भएको खेलमा प्रदेश नं. ७ लाई १ सय ७४ रनको विशाल अन्तरले हराउँदै नेपाल पुलिस क्लबले अंक तालिकामा खाता खोलेको छ । ३२५ रनको पिछा गर्ने क्रममा प्रदेश नं. ७ ले ३७ ओभरमा १४५ रन मात्र बनाउन सकेको थियो । खेलको बिचमा पानी परेपछि प्रदेश नं. ७ ले डिएल मेथड अनुसार ३७ ओभरमा ३०५ रनको लक्ष्य पाएको थियो ।

अर्जुन ऐरीले ७० रन हान्नु बाहेक प्रदेश नं. ७ का कुनै पनि खेलाडिले सम्झन लाएक रन हानेनन् । ८८ बल खेलेका उनले ५ छक्का र ३ चौका हानेका थिए । पुलिसको जितका लागि दिपेन्द्र ऐरी र सुनिल धमलाको विशेष योगदान रह्यो । ऐरीले मात्र १९ रन खर्चेर ४ विकेट लिए भने धमलाले ८३ रन प्रहार गरे ११३ बल खेलेका उनले ९ चौका हानेका थिए । त्यस्तै प्रदेश नं. ७ का लागि शेर मल्लले २ विकेट लिए । यसअघि टस जितेर ब्याटिङ रोजेको पुलिसले ६ विकेटको क्षतिमा ३२४ रनको विशाल योगफल तयार पारेको थियो । पुलिसका लागि आरिफ शेखले आक्रामक अर्ध सतकिय पारी खेले । ३७ बल खेलेका उनले ५ छक्का र २ चौकाको मद्दतले ५७ रन जोडे ।

त्यस्तै मुलपानी खेल मैदानमा भएको खेलमा प्रदेश नं. २ प्रदेश नं. १ सँग ६८ रनले पराजित भएको छ । २२४ रनको लक्ष्य पछ्याएको प्रदेश नं. २ ले सबै विकेट गुमाएर १४५ रन मात्र बनाउन सक्यो । डिएल मेथड अनुसार ३४ ओभरमा २१४ रनको लक्ष्य पाएको प्रदेश नं. २ ३० ओभर समेटियो । हरिशंकर शाहले ४४ , राहुल प्रताप सिंहले २२ र कुन्दन सिंहले १६ रन बनाउनु बाहेक अन्य ब्याट्स म्यानले दोहोरो अंकमा रन बनाउन सकेनन् । प्रदेश नं. १ का लागि पुस्प थापा र मिनस थापाले ३÷३ विकेट लिए । यस अघि ब्याटिङ गरेको प्रदेश नं. १ ले सात विकेटको क्षतिमा २२३ रन बनाएको थियो । प्रदेश नं. १ का लागि सन्दीप ढुङ्गानाले ५१(६९) , फिर्दोश अन्सारीले ३७ र सरनबले ३६ रन बनाएका थिए ।
हिज भएको खेलमा प्रदेश नं. ४ विभागीय टोलि सशस्त्र प्रहरी बल (एपीएफ) सँग हार व्यहोरेको थियो ।