प्रधानमन्त्री देउवाको अपराजित यात्रामा लगाउलान् त खगराज भट्टले ब्रेक ?
सारांश
- डोटी, मंसिर १८ –मौन अवधि सकिनै लाग्दा प्रधानमन्त्री तथा नेपाली कांग्रेसका सभापति शेरबहादुर देउवा चुनावी अभियानको अन्तिम चरणमा हुनुहुन्छ ।
- उहाँका प्रतिस्पर्धी वाम गठबन्धनका उम्मेदवार खगराज भट्ट पनि चुनावी अभियानको अन्तिम चरणमा हुनुहुन्छ ।
- दुबै जनाले आ–आफ्नो जित सुनिश्चित बताउँदै आउनुभएको छ ।
डोटी, मंसिर १८ –मौन अवधि सकिनै लाग्दा प्रधानमन्त्री तथा नेपाली कांग्रेसका सभापति शेरबहादुर देउवा चुनावी अभियानको अन्तिम चरणमा हुनुहुन्छ । उहाँका प्रतिस्पर्धी वाम गठबन्धनका उम्मेदवार खगराज भट्ट पनि चुनावी अभियानको अन्तिम चरणमा हुनुहुन्छ । दुबै जनाले आ–आफ्नो जित सुनिश्चित बताउँदै आउनुभएको छ ।
संसदीय चुनावमा अपराजित रहँदै आउनुभएका प्रधानमन्त्री देउवाको यसपटकको चुनावी यात्रा कस्तो रहला भन्ने बारे डडेल्धुरामा निकै चासो, चर्चा र अड्कल हुन थालेका छन् । कतिपयले देउवाको जित निश्चित रहेको भन्दै मतान्तरको विषयमा मात्र छलफल हुनसक्ने बताउँछन् भने कतिपयले एमाले र माओवादी केन्द्रले गठबन्धन गरेपछि देउवालाई विगतमा जस्तो सजिलो नहुने धारणा राख्ने गरेका छन् ।
वाम गठबन्धनबाट देउवाको प्रतिस्पर्धी माओवादी केन्द्रका नेता खगराज भट्ट हुनुहुन्छ । यसभन्दा अघि देउवासँगै दुई पटक पराजित हुनुभएका भट्ट यस पटक एमालेको साथ पाएकाले आफ्नो जित सुनिश्चित भएको दाबी गर्दै आउनुभएको छ ।
माओवादी एक्लै लड्दा पनि चुनौती दिएका भट्ट एमाले र माओवादीको वाम गठबन्धनका साझा उम्मेदवार रहेकाले अहिले रोचक प्रतिस्पर्धा हुने आँकलन गरिएको छ । ०४८, ०५१ र ०५६ सालको चुनावसम्ममा डडेल्धुरामा देउवालाई चुनौती दिने प्रतिस्पर्धी नहुँदा चुनाव जित्न सजिलो भएको कतिपय मतदाताको आँकलन छ ।
०६४ सालमा भएको पहिलो संविधानसभा चुनावमा भने देउवाले डडेल्धुरासँगै कञ्चनपुर निर्वाचन क्षेत्र नम्बर ४ बाट पनि उम्मेदवारी दिनुभएको थियो । ०७० सालको दोस्रो संविधानसभा चुनावमा पनि देउवा डडेल्धुरासँगै कैलाली ६ बाट उम्मेदवार बन्नुभयो । त्यतिबेला पनि डडेल्धुरामा देउवाका प्रतिस्पर्धी हुनुहुन्थ्यो माओवादी नेता खगराज भट्ट ।
यसपटक भने देउवाले भट्टसँगको मतान्तर बढाएर ११ हजार पुर्याउनु भयो । ०७० सालमा देउवाले २३ हजार ९ सय २० मत ल्याएर विजयी हुँदा निकटतम प्रतिद्वन्द्वी भट्टले १२ हजार ४ सय ९३ मत पाउनुभएको थियो । एमाले उम्मेदवार तेस्रो स्थानमा रहेका थिए । अहिले स्थानीय चुनावको नतिजा हेर्ने हो भने देउवाको गृहजिल्ला डडेल्धुरामा एमालेको अवस्था सुधार भएको छ । प्रधानमन्त्री देउवाको व्यक्तित्वको असर डडेल्धुरामा पर्ने हुनाले स्थानीय चुनावको आधारमा मात्र नतिजा विश्लेषण अपूर्ण हुने स्थानीयको भनाई छ ।
को हुन् देउवासँग चुनाव लड्ने खगराज ?
माओवादी केन्द्रका केन्द्रीय सचिवालय सदस्य भट्टको जन्म २०३१ पुस २ गते डडेल्धुराको अजयमेरु गाउँपालिकाका ४ चिपुरमा भएको हो । ०४७ सालमा नेपाल विद्यार्थी संघको सदस्य भएर राजनीतिमा लागेका भट्ट ०४७ सालमै तत्कालीन नेकपा एकता केन्द्रको सदस्य भएर कम्युनिष्ट राजनीतिमा होमिनु भएको थियो । तत्कालीन नेकपा माओवादीको सशस्त्र विद्रोहको क्रममा ज्यान गुमाएका आफ्ना दाजु जयराज भट्टको प्रेरणाले उहाँ कम्युनिष्ट राजनीतिमा लाग्नुभएको हो ।
आइएलसम्म पढ्नु भएका भट्ट ०५४ सालदेखि ०५८ सालसम्म अनेरास्ववियु क्रान्तिकारीको केन्द्रीय सदस्य हुनुभयो । विद्यार्थी फाँट छोडेपछि भट्ट तत्कालीन नेकपा माओवादीको दार्चुला, बैतडी र डडेलधुरा सचिव भएर काम गर्नुभयो । पछि दार्चुला र बैतडीको ईञ्चार्ज समेत हुनुभयो । ०६० सालमा तत्कालीन नेकपा माओवादीको केन्द्रीय समितिमा पुगेका भट्टले सशस्त्र विद्रोहमा ९ महिना जेल जीवन बिताउनुभएको थियो ।
भट्टले देउवा चार पटक प्रधानमन्त्री भए पनि जिल्लाको विकास नगरेको आरोप लगाउदै आउनुभएको छ । उहाँले आफ्नो चुनावी प्रचारको क्रममा पनि देउवाले केही गर्न नसकेको आरोप लगाउँदै आउनुभएको छ ।
प्रतिक्रिया
Rabi Prakash Malla
Aadhi vote pani aaudaina khagraj ko.
Raju Bro
Govinda Prasad Sapkota
Khagaraj
Surendra Deuba
Sakdain bhatta mash koi aaypani
Milan Thapa
No…
Manoj Lamichhane
शेर भनेको सिंह , खग भनेको गैडा दुबै आ-आफ्नै ठाउ मा छन? जनता ले यसपाली कस्लाई झ्यॉई पार्ने हुन हेर्न बॉकी छ?
Suresh Khatiwada
lagaunxan
Shyam Pandey
हार्छ अब देउवा
Amir Bista
Sherbahadur la harna janako xina harnush yaspali pani
Babu Ram Paudel
Shara gayo patta saf hunxa
Amir Bista
Sapana nadakhnu metra impossible cura Ko kihila pura hudina
Yam Kumar Katuwal
खगराजलाइ जीताउ यो सेरे बुडो गोरूको काम छैन
K Kumar Khadka
Abasya
Sapkota Kancha
Bhatta
Nabaraj Adarsha Satyal
सबै पार्टीको घोषना पत्र राम्रो छ तर त्यसको कार्यान्वोयेन गर्न ५ बर्षको स्थाई सरकार चाहिन्छ ,
त्येसैले बहुमत उन्मुख बाम गठबन्धनलाई अत्तेधिक बहुमतले बिजय गराउ |
अबको आश , बहुमतको सरकार !!!!
Bekharam Maharjan
Deubalai haraununai parchha
Raju Pant
bhatt