मंगलवार देखि हराईरहेका रामेछापका वडा अध्यक्ष मृत भेटिए !
सारांश
- रामेछाप , २६ वैशाख।
- मंगलबार विहानदेखी हराएका रामेछाप जिल्लाको उमाकुण्ड गाउँपालिका वडा नम्बर ५ प्रीतीका वडा अध्यक्ष कुविर खत्री मृत अवस्थामा भेटिएका छन् ।
- मंगलबार विहान ८ः३० बजेबाट बेपत्ता खत्रीको बुधवार विहान वडा नम्बर ५ प्रीतीकै बसेरी चिलाउने भन्ने ठाउँमा लाश भेटिएको उमाकुण्ड गाउँपालिकाका प्रवक्ता रुद्रमणी नेवारले जानकारी दिए ।
रामेछाप , २६ वैशाख। मंगलबार विहानदेखी हराएका रामेछाप जिल्लाको उमाकुण्ड गाउँपालिका वडा नम्बर ५ प्रीतीका वडा अध्यक्ष कुविर खत्री मृत अवस्थामा भेटिएका छन् ।
मंगलबार विहान ८ः३० बजेबाट बेपत्ता खत्रीको बुधवार विहान वडा नम्बर ५ प्रीतीकै बसेरी चिलाउने भन्ने ठाउँमा लाश भेटिएको उमाकुण्ड गाउँपालिकाका प्रवक्ता रुद्रमणी नेवारले जानकारी दिए । उनले लिखु खोलामा हाम फालेर आत्माहत्या गरेको हुन सक्ने आशंका गरिएको छ ।
मृत भेटिएका वडा अध्यक्ष खत्री मंगलबार विहान ८ः३० बजे गाउँपालिका सदस्यलाई समेत वैठकमा जानु पर्छ भनि खबर गरी घरबाट हिडेका थिए । खत्रीको मोटरसाइकल , कोट , जुत्ता र डायरी मंगलबारै फेला परेको थियो ।
गाउँपालिकाका प्रवक्ता नेवारका अनुसार वडा अध्यक्ष खत्रीको मोटरसाइकल , कोट , जुत्ता र डायरी भेटिए भन्दा पाँच सय मिटर तल लाश भेटिएको हो । वडा अध्यक्ष खत्रीको लाश अप्ठ्यारो ठाउँमा रहेकाले निकाल्न समय लाग्ने प्रवक्ता नेवारले बताए ।
मंगलबारको गाउँकार्यपालिकाको वैठकमा अबेरसम्म नआएपछि वडा अध्यक्ष खत्रीलाई सम्पर्क गर्दा फोन नउठेको र घरपरिवारमा फोन गर्दा विहानै हिडेको जानकारी आएपछि उनको गाउँपालिका , प्रहरी र स्थानीयहरुले खोजी कार्यमा लागका थिए । मृत भेटिएका खत्री नेकपा एमालेबाट निर्वाचित वडा अध्यक्ष हुन् ।
प्रतिक्रिया