अवैध लागूऔषध चरेससहित चारजना भारतीयसहित ७ जनालाई सशस्त्र प्रहरी बल वेसक्याम्प हेटौडाद्वारा पक्राउ
सारांश
- श्रावण ४, २०७४- अवैध लागूऔषध चरेससहित सशस्त्र प्रहरी बल वेसक्याम्प हेटौडाले बुधबार चारजना भारतीयसहित ७ जनालाई पक्राउ गरेको छ ।
- भारतीय चरेस व्यापारीसहित भरिया पक्राउ गरेको यो पहिलो पटक हो ।
- मुख्य चरेस व्यापारी भारत मजफपुरका ३८ वर्षीय रन्जित सिंह, निर्भय सिंह, मुकेश सर्राव, कलावती साह, रौतहटी राजपुरकी ताल्मा खातुन र मकवानपुर थाहा नपा ७ का भरिया १८ वर्षीय विक्रम स्याङतान र हिरा स्याङतान ३० केजी चरेससहित पक्राउ गरेका हुन् ।
श्रावण ४, २०७४- अवैध लागूऔषध चरेससहित सशस्त्र प्रहरी बल वेसक्याम्प हेटौडाले बुधबार चारजना भारतीयसहित ७ जनालाई पक्राउ गरेको छ । भारतीय चरेस व्यापारीसहित भरिया पक्राउ गरेको यो पहिलो पटक हो । मुख्य चरेस व्यापारी भारत मजफपुरका ३८ वर्षीय रन्जित सिंह, निर्भय सिंह, मुकेश सर्राव, कलावती साह, रौतहटी राजपुरकी ताल्मा खातुन र मकवानपुर थाहा नपा ७ का भरिया १८ वर्षीय विक्रम स्याङतान र हिरा स्याङतान ३० केजी चरेससहित पक्राउ गरेका हुन् ।
धादिङमा उत्पादन गरेको चरेस स्याङतानद्वयले प्लास्टिकको ३० वटा पाकेटमा प्याक गरेर झोलामा लुकाएर ल्याएका थिए । भरियाद्वय निलम लजमा वसेका थिए भने चरेस व्यापारी सिंहसहित पाँचजना हेटौडाको रोशन होटलबाट पक्राउ गरेको सशस्त्र प्रहरी बल वेसक्याम्पका प्रहरी नायव उपरीक्षक त्रिभुवन विष्टले बताए । उनीहरुको साथबाट प्रहरीले चरेससहित एक भारतीय गाडी, ६ थान मोबाइल र ३३ हजार भारतीय नोट बरामद गरेको छ ।
सशस्त्र प्रहरी बल वेसक्याम्पले बरामद गरेको सामानसहित अनुसन्धान गरेर कानुनी कारबाही गर्न जिल्ला प्रहरी कार्यालय हेटौडालाई बुधबार बुझाएको छ । चरेस लैजानका लागि लागूऔषध व्यापारी रन्जितसिंहसहितको टोलीले भारतीय गाडी नै लिएर आएका थिए ।
प्रतिक्रिया