खेलकुद खबर

म्याग्दीमा घोडादौड प्रतियोगिता सम्पन्न, दौडमा कास्कीका हितमान गुरुङ प्रथम

Shikharkhabar

बिहिबार, कार्तिक १७, २०७९

३

३१ पटक हेरिएको

म्याग्दीमा घोडादौड प्रतियोगिता सम्पन्न, दौडमा कास्कीका हितमान गुरुङ प्रथम

Shikharkhabar

काठमाडौ ।
म्याग्दीमा तेश्रो घोडादौड प्रतियोगिता सम्पन्न भएको छ ।
जिल्लाको अन्नपूर्ण गाउँपालिका–६ घोडेपानीमा बिहिबार भएको प्रतियोगितामा कास्कीको चुइलेका हितमान गुरुङ प्रथम भएका छन् ।

काठमाडौ । म्याग्दीमा तेश्रो घोडादौड प्रतियोगिता सम्पन्न भएको छ । जिल्लाको अन्नपूर्ण गाउँपालिका–६ घोडेपानीमा बिहिबार भएको प्रतियोगितामा कास्कीको चुइलेका हितमान गुरुङ प्रथम भएका छन् ।

अन्नपूर्ण गाउँपालिका–५ घोप्टेखर्कबाट घोडेपानीसम्मको सात दशमलव पाँच किलोमिटर दूरी २५ मिनेट ३८ सेकेन्डमा पार गरेर गुरुङको घोडा पहिलो भएको हो । पच्चीस मिनेट ३८ सेकेन्डमा दूरी पार गरेका घोडेपानीका याम पुन दोस्रो र कास्कीको छोम्रोङका सुमित गुरुङले २६ मिनेट ५४ सेकेन्डमा निर्धारित दूरी पार गरेर तेस्रो भएका हुन् ।

घोडेपानी घोडा व्यवसायी समितिले आयोजना गरेको प्रतियोगितामा विजयी भएका गुरुङको घोडा दोस्रो घोडेपानी घोडादौड प्रतियोगितामा पनि प्रथम भएको थियो । प्रथम, द्वितीय र तृतीयलाई क्रमश ५१ हजार, ३१ हजार र २१ हजार नगद पुरस्कार, ट्रफी र प्रमाणपत्र वितरण गरिएको थियो ।

घोडेपानी युवा क्लब, आमा समूह, पर्यटन व्यवस्थापन उपसमिति र टोल सुधार समितिसँगको सहकार्यमा आयोजित प्रतियोगिताको अन्नपूर्ण गाउँपालिकाका पूर्वअध्यक्ष डमबहादुर पुनले उद्घाटन गरेका थिए ।