नेपाल र युएइले एसीसी प्रिमियर कपको फाइनल खेल्ने
सारांश
- काठमाडौं ।
- एसीसी मेन्स प्रिमियर कपको फाइनलमा नेपाल र युएइ भिड्ने भएका छन् ।
- आज भएका दुवै सेमिफाइनल वर्षाले प्रभावित भएपछि निकालिएका वैकल्पिक नतिजाअनुसार नेपाल र युएइको फाइनलमा भिडन्त पक्का भएको हो ।
काठमाडौं । एसीसी मेन्स प्रिमियर कपको फाइनलमा नेपाल र युएइ भिड्ने भएका छन् । आज भएका दुवै सेमिफाइनल वर्षाले प्रभावित भएपछि निकालिएका वैकल्पिक नतिजाअनुसार नेपाल र युएइको फाइनलमा भिडन्त पक्का भएको हो ।
किर्तिपुरमा भएको नेपाल र कुवेतबीचको सेमिफाइनल हारजित नभइ रद्द गर्नुपरेको छ । यससँगै सेमिफाइनलका लागि रिजर्भ डे नभएकोले समूह चरणमा अंक तालिकामा माथि भएको नेपाल फाइनल प्रवेश गरेको छ ।
अर्कोतर्फ मूलपानीमा भएको दोस्रो सेमिफाइनलको पनि दोस्रो इनिङ वर्षाले प्रभावित भएपछि डिएलएस विधिबाट नतिजा निकालिएको छ । जसअनुसार युएइ २ रनले विजयी भएको छ ।
मूलपानीको सेमिफाइनलमा युएइले पहिले ब्याटिङ गर्दै अलआउट भएर २३६ रन बनाएको थियो । ओमनले जवाफी ब्याटिङ गर्दा ४३ ओभरमा ६ विकेटको क्षतिमा १९० रन बनाउँदा पानी परेपछि खेल रोकिएको थियो । र, आज खेल हुन नसक्ने भएपछि डिएलएस विधिबाट नतिजा निकालिएको थियो ।
प्रतिक्रिया