ढाकाकुमार श्रेष्ठको रिट न्यायाधीश तिलप्रसाद श्रेष्ठको इजलासमा

काठमाडौं । राष्ट्रिय स्वतन्त्र पार्टी (रास्वपा)ले सांसदबाट हटाएका डा. ढाकाकुमार श्रेष्ठले सर्वोच्च अदालतमा दायर गरेको रिटको सुनुवाइ न्यायाधीश तिलप्रसाद श्रेष्ठको एकल इजलासमा तोकिएको छ । श्रेष्ठले आफूलाई सांसदमा पुनर्बहाली गर्न माग गर्दै सर्वोच्च अदालतमा हालेको रिटमा आज सुनुवाइ हुन लागेको हो ।

श्रेष्ठले विवादित व्यवसायी दुर्गा प्रसाईँसँग दुई करोड रुपैयाँ मागेको अडिओ सार्वजनिक भएपछि पार्टी सभापति रवि लामिछानेले घोषणा गरेरै ७२ घण्टामा सांसद पद खोसेका थिए । लामिछानेको उक्त कदम गलत रहेको र आफूलाई गैरसंवैधानिक तरिकाले सांसदबाट हटाएको भन्दै श्रेष्ठले आइतबार सर्वोच्चमा रिट हालेका थिए ।

उनले दिएको रिट न्यायाधीश तिलप्रसाद श्रेष्ठको एकल इजलासमा सुनुवाइ हुने भएको छ । उनले राष्ट्रिय स्वतन्त्र पार्टीको केन्द्रीय आचरण तथा अनुशासन समिति केन्द्रीय कार्यालय बसुन्धारा काठमाडौँ समेत र राष्ट्रिय स्वतन्त्र पार्टीको केन्द्रीय आचरण तथा अनुशासन समिति केन्द्रीय कार्यालय बसुन्धारा काठमाडौँ समेतलाई विपक्षी बनाएर रिट दायर गरेका छन् ।