मापदण्ड मिचेर बनाएका संरचना भत्किए
सारांश
- पोखरा पोखरा–लेखनाथ महानगरपालिका भित्र मापदण्ड मिचेर निर्माण गरिएका संरचनाहरू महानगरपालिकाले भत्काउन थालेको छ ।
- पोखराको मालपोत कार्यालय अगाडिका सडकको मापदण्ड मिचेर निर्माण गरेका टहरा महानगरले भत्काएको छ ।
- मालपोत कार्यालय अगाडि निर्माण भएका १२ ओटा टहरा डोजर लगाएर भत्काइएको हो ।
पोखरा
पोखरा–लेखनाथ महानगरपालिका भित्र मापदण्ड मिचेर निर्माण गरिएका संरचनाहरू महानगरपालिकाले भत्काउन थालेको छ । पोखराको मालपोत कार्यालय अगाडिका सडकको मापदण्ड मिचेर निर्माण गरेका टहरा महानगरले भत्काएको छ ।
मालपोत कार्यालय अगाडि निर्माण भएका १२ ओटा टहरा डोजर लगाएर भत्काइएको हो । महानगरपालिकाले ३५ दिने सूचना जारी गरे पनि अटेरी गरेपछि डोजर लगाएर टहरा भत्काइको हो । मापदण्डमा सडकबाट ५ मिटरभित्र संरचना बनाउन नपाइने उल्लेख भए पनि सार्वजनिक जग्गामा ५ मिटर बाहिर निर्माण गरिएका संरचना पनि पोखरा–६ का जनप्रनिधिहरूको दबाबमा भत्काइएको हो ।
पोखराका अधिकांश स्थानमा सार्वजनिक जग्गा अतिक्रमण गर्ने र मापदण्डविपरीतका संरचना निर्माण गर्ने क्रम बढ्न थालेपछि महानगरले यसलाइ निरुत्साहित गर्न यस्ता संरचनाहरु भत्काउन शुरु गरेकाे हाे ।
गत मङ्सिरमा साविक पोखरा उपमहानगरपालिकाका कार्यकारी अधिकृत नवराज ढुङ्गानालेे नगरको पृथ्वीचोकदेखि विजयपुरसम्मका सडककाे विचबाट ७५ फिटभित्र पर्ने सम्पूर्ण अस्थायी संरचना हटाइएका थिए । मापदण्ड विपरित बनेका अस्थायी संरचना भत्काउने क्रम नराेकिने महानगरपालिकाले जनाएकाे छ ।
प्रतिक्रिया