बुटवलमै पहिलोपटक कविता कन्सर्ट हुँदै
सारांश
- बुटवल, माघ ५ ।
- बुटवलमै पहिलो पटक कविता कन्सर्ट हुने भएको छ ।
- पहिलो पटक हुन लागेको एस कन्सर्टको नाम ‘कविता कन्सर्ट २०७४’ दिइएको आयोजक लुम्बिनी बाङ्मय प्रतिष्ठान रुपन्देहीले शुक्रबार बुटवलमा पत्रकार सम्मेलन गरी जानकारी दिएको हो ।
बुटवल, माघ ५ । बुटवलमै पहिलो पटक कविता कन्सर्ट हुने भएको छ । पहिलो पटक हुन लागेको एस कन्सर्टको नाम ‘कविता कन्सर्ट २०७४’ दिइएको आयोजक लुम्बिनी बाङ्मय प्रतिष्ठान रुपन्देहीले शुक्रबार बुटवलमा पत्रकार सम्मेलन गरी जानकारी दिएको हो ।
बुटवलमै पहिलोपटक आयोजना गर्न लागिएको ‘कविता कन्सर्ट २०७४’ मा युवा कवि नवराज पराजुलिले कविता वाचन गर्नेछन् ।
कार्यक्रममा राष्ट्रिय गायिका योजना पुरी, बाँसुरी बादक संयक महर्जन र प्रकाश पौडेलको प्रस्तुति रहने छ । उक्त कार्यक्रममा ‘गिनिज बुक अफ वल्र्ड रेकर्ड’ मा नाम लेखाउन तयारी अवस्थामा रहेका मादलवादक अभिषेक गौतमले मादल प्रफर्म गर्ने छन ।
माघ २० गते हुने उक्त कार्यक्रम बुटवल उद्योग वाणिज्य संघको सभाहलमा करिब ५ सय जना दर्शकको माझमा हुनेछ ।
कार्यक्रम दिउँसो १ बजेदेखि साँझ ६ बजेसम्म सञ्चालन हुनेछ । कन्सर्ट कार्यक्रमको अध्यक्षता बाङमय प्रतिष्ठान रुपन्देही अध्यक्ष ऋषि आजादले गर्ने पत्रकार सम्मेलनमा जानकारी गराईएको कार्यक्रम संरक्षक अमृत पियुसले जानकारी गराए ।
कार्यक्रममा बोल्दै राजिव खनालले युवापुस्तामा कवि तथा साहित्यकार पनि आफ्नो साहीत्यवाट बाँच्न सक्छन् भन्ने देखाउन कार्यक्रम गर्न लागेको बताए ।
कार्यक्रममा प्रवेशको लागी ५ सय रुपैयाँ र विद्यार्थीको लागि ३ सय रुपैयाँ शुल्क तोकिएको उनले बताए । कार्यक्रममा मरिन पाण्डे तथा पत्रकार कपिल ज्ञवालीलगायतले बोलेका थिए ।
कार्यक्रमको मिडिया संयोजक पत्रकारद्वय कपिल ज्ञवाली र आचार्य प्रदीप रहेका छन् । उक्त कार्यक्रमको सञ्चालन राजिव खनालले गर्नेछन् ।
प्रतिक्रिया