यस्तो आयो पछिल्लो मतपरिणाम, अघि लाग्यो एमाले

काठमाडौं । दोश्रो चरणको निर्वाचनको मतगणना प्रक्रिया जारी रहेको छ । पछिल्लो मतगणना परिणामअनुसार नेकपा एमाले अगाडि देखिएको छ । पछिल्लो मतपरिणाम अनुसार  ६ स्थानमा विजयी हासिल गरेको एमालेले ७८ स्थानमा अग्रता हासिल गरिरहेको छ  । त्यसैगरी नेपाली कांग्रेसले ४ ठाउँमा विजयी हासिल गरेको छ भने ८३ स्थानमा अग्रता देखिएको छ । त्यस्तै माओवादी केन्द्रले पनि २ स्थानमा विजय प्राप्त गरेको छ भने ३२ स्थानमा अग्रता हासिल गरेको छ ।  राप्रपा र फोरम  नयाँ शक्तिले ३-३ स्थानमा अग्रता हासिल गरिरहेका छन् । त्यस्तै, फोरम लोकतान्त्रिकले ४ स्थानमा अग्रता हासिल गरिरहेको छ ।  अन्य साना दलहरुले ३ स्थानमा अग्रता हासिल गरिरहेका छन् ।  नेपाली कांग्रेसका पासाङ नर्बु शेर्पा संखुवासभाको चिचिला गाउँपालिकाबाट अध्यक्षमा विजयी भए । त्यसैगरी संखुवासभाको सिलिचुङ गाउँपालिकामा कांग्रेसका रामकुमार राई, बझाङको काँडा गाउँपालिकामा राजेन्द्र धामी र बाजुराकै छेडेदह गाउँपालिकामा कांग्रेसकै नरबहादुर राउत विजयी भए ।   डडेल्धुराको अमरगढी नगरपालिकामा नेकपा एमालेका उम्मेदवारले बिजय हासिल गरेका छन् । अमरगढी नगरपालिकाको मेयरमा एमालेका विश्वेश्वरप्रसाद ओझा विपिन विजयी भएका हुन् । एमालेका शंकरबहादुर राई खोटाङको जन्तेढुंगा गाउँपालिकामा विजयी भए । बझाङको मस्टा गाउँपालिका कर्णबहादुर कठायत र बाजुराको पाण्डवगुफा गाउँपालिकामा कालीबहादुर शाही बिजयी भएका छन् माओवादी केन्द्रले भने सोलुखुम्बुको लिखुपिके गाउँपालिका मा विजयी हासिल गरेको हो ।