आज पहिलोपटक संघीय संसदमा सम्बोधन गर्न राष्ट्रपति बग्गी चढेर जाने

काठमाडौं, १५ चैत – राष्ट्रपति विद्यादेवी भण्डारीले आज बिहिबार संघीय संसदमा सम्बोधन गर्ने कार्यक्रम छ । प्रतिनिधिसभा र राष्ट्रियसभाको संघीय संसदलाई आज पहिलो पटक सम्बोधन गर्ने कार्यक्रम रहेको छ ।

गत मंसिर १० र २१ मा भएको प्रतिनिधिसभा र माघ २४ मा भएको राष्ट्रियसभाको निर्वाचनपछि बनेको संघीय संसद्को पहिलो संयुक्त ऐतिहासिक बैठकलाई राष्ट्रपतिले सम्बोधन गर्न लागेकी हुन् ।

यसअघि राष्ट्रपतिले सरकारको वार्षिक नीति तथा कार्यक्रम प्रस्तुत गर्ने चलन थियो । नयाँ संविधानले व्यवस्था गरे अनुसार दुवै सदन रहेको संयुक्त बैठकलाई सम्बोधन गर्नुपर्ने
व्यवस्था छ । संघीय संसद् सचिवालयका अनुसार आज दिउसो ४ बजे बानेश्वरस्थित संसद भवानमा संयुक्त बैठक हुने भएकाले सम्बोधनको सम्पूर्ण लागि तयारी पूरा भएको जनाएको छ ।

राष्ट्रपति भण्डारी सम्मेलन केन्द्र घोडाको बग्गीमा चढेर संसदमा आउने तयारी रहेको संसद् सचिवालयका प्रवक्ता भरतराज गौतमले बताए । राष्ट्रपति बग्गी चढेर संसद भवनसम्म  हिड्ने बाटोमा आज ट्राफिक जाम हुने सम्भावना छ ।