आजदेखि टुँडिखेल आसपासमा बस, माइक्रो रोक्न नपाइने, ‘पिक एण्ड ड्रप’ मात्रै

काठमाडौं । आज आइतबारदेखि काठमाडौं महानगरपालिकाले टुँडिखेल वरिपरिका क्षेत्रमा सार्वजनिक सवारी साधन रोकेर राख्न नपाउनेगरी नियम बनाएको छ । रोक्नै नपाउने भने होइन, पहिलेजस्तो यात्रुको पर्खाइमा एउटै सवारी साधन लामो समयसम्म रोकेर बस्न नपाइने हो, ‘पिक एण्ड ड्रप’ मात्रै गर्नुपर्दछ ।

सार्वजनिक सवारी साधन एकै स्थानमा लामो समय रोकेर राख्दा जाम हुने भएकाले यात्रु राखेर मात्र जानुपर्नेछ ।

जामको समस्या, वातावरण प्रदूषण भएकाले महानगरले यात्रु राखेर मात्र गैहाल्नुपर्ने व्यवस्था शुरु गरेको जनाएको छ । कामपाको मुख्य स्थान मानिने र लामो वा छोटो दूरीका सार्वजनिक सवारी साधन रोकेर राख्ने स्थान टुँडिखेल आसपास नै रहेकाले यस किसिमको व्यवस्था गरिएको महानगरपालिकाले जनाएको छ ।

पहिलो चरणमा टुँडीखेल आसपास र नियमको शुरु गरी प्रभावकारी बनाउने र अबको केही महीनाभित्र ३२ वटै वडामा नियम लागू हुनेछ ।

कुनै पनि सवारी साधनले यसअघि जस्तो लामो समय रोकेर राख्ने र अर्को सवारी साधन नआउन्जेलसम्मका लागि भन्दै अटेर गरे कामपाले कारवाही गर्ने बताएको छ ।