उखु किसानको राजधानीमा आन्दोलन शुरु, ऋषि धमलाको पनि सहभागिता
सारांश
- उखु किसानले राजधानीमा आएर आन्दोलन शुरु गरेका छन् ।
- उखुको रकम वर्षौ देखि भुक्तानी नपाएपछि गत वर्ष आन्दोलनमा उत्रिएका किसानहरु फेरि राजधानी आएका हुन् ।
- उनीहरु २०७६ पौष १८ गते सरकारसँग भएको सम्झौता लागू गर्न माग गर्दै आन्दोलनमा उत्रिएका हुन् ।
उखु किसानले राजधानीमा आएर आन्दोलन शुरु गरेका छन् । उखुको रकम वर्षौ देखि भुक्तानी नपाएपछि गत वर्ष आन्दोलनमा उत्रिएका किसानहरु फेरि राजधानी आएका हुन् । उनीहरु २०७६ पौष १८ गते सरकारसँग भएको सम्झौता लागू गर्न माग गर्दै आन्दोलनमा उत्रिएका हुन् ।लामो समयसम्म उखुको रकम नपाएपछि किसानहरुले गत वर्ष यही समयमा आन्दोलन गरेपछि सरकारसँग पाँच बुँदे सम्झौता भई चिनी मिलहरुबाट रकम भुक्तानी गराउने सहमति भएको थियो । त्यसको कार्यान्वयन नभएपछि उखु किसानहरु पुनः राजधानीमा आन्दोलनका लागि आएका हुन् ।
उनीहरुको आन्दोलनमा आज ऋषि धमलाको पनि सहभागिता थियो । किसानहरुको माग पूरा गराउन आफूले मिडियामार्फत सरकारलाई दबाब दिने पनि धमलाले विश्वास दिलाएका थिए ।
यसअघि पनि किसानहरु मिल मालिकसँग पैसा उठाईदिन माग गर्दै काठमाडौं प्रदर्शनमा उत्रिएका थिए । त्यतिवेला पनि पत्रकार धमलाले क्लबको साक्षात्कार, रेडियोमा बहस र टेलिभिजनमा अन्तर्वार्ता लिएर साथ दिएका थिए । धमलाले उनीहरुका माग पूरा गराउन सरकार गम्भिर बन्नुपर्ने तर्क गरेका छन् ।
प्रतिक्रिया