कामरेड
सारांश
- शिव पौडेल कामरेड नभन मलाई म कामरेड होइन न हिजो थिएँ न आज हुँ न भोलि बन्छु जे भने पनि भन तर कामरेड नभन शब्द मिठो छ सुन्दा आनन्द लाग्छ भन्दा सजिलो पनि छ तर अब नभन्नू है उपहास हुन्छ मेरो होइन कामरेड शब्दको यसको गहिराईको यसको गरिमाको यसको इतिहासको र यसको जिम्मेवारीको म त्यो शब्द बोक्न नसक्ने मान्छे उक्त सम्बोधन नसुहाउने मान्छे शब्दको मर्मले मर्माहत मान्छे कामरेडको “क”बाट कटेको मान्छे त्यसैले मलाई कामरेड नभन आज भन्दै नभन र भोलि पनि नभन्नू कामरेड ती थिए जसले बलिदान दिए ज–जसले रगत बगाए आफ्नो पसिनाले आफ्नो मातृभूमि लछप्पै भिजाए सामाजिक न्यायको लागि आफू जेल नेल खाए हो, हजुर ती थिए कामरेड भन्ने भए तिनैलाई भन तर मलाई बिल्कुलै नभन ।
- सुन्दा सुन्दर लागे पनि भन्दा सजिलो लागे पनि सम्बोधन ब्यक्ति सुहाउँदो हुनुपर्छ ब्यक्तिले त्यसको भार थामेको हुनुपर्छ हिजोको कामरेड आज नहुन पनि सक्छ कामरेड छोडेर सर र साहेब पनि बन्न सक्छ हिजोको लालसेना आज लडाकु मात्र भनिएझै हिजोका सर्वहारा आजका सम्पन्न भएजस्तै कामरेडको पनि मानमर्दन भएको छ त्यसैले कामरेड नभन कसैलाई र बिर्सेर पनि नभन मलाई कामरेडबाट रेड हराएको बेला छ आत्मभित्रबाट आत्मीयता गायब छ शब्द सस्तो बनाइएपछि यसको तौल बेलुन जति भएको छ जनवादी जनविरोधी सबै कामरेड भएपछि यसको मूल्यमान्यता र सर्वथोक हराएको छ यो उपहास र यो बिरोधाभाषको बेला कसैलाई कामरेड नभन र मलाई त झन् भुलेर पनि नभन ।
- प्युठान, नेपाल ।
शिव पौडेल
कामरेड नभन मलाई
म कामरेड होइन
न हिजो थिएँ
न आज हुँ
न भोलि बन्छु
जे भने पनि भन
तर कामरेड नभन
शब्द मिठो छ
सुन्दा आनन्द लाग्छ
भन्दा सजिलो पनि छ
तर अब नभन्नू है
उपहास हुन्छ
मेरो होइन
कामरेड शब्दको
यसको गहिराईको
यसको गरिमाको
यसको इतिहासको
र यसको जिम्मेवारीको
म त्यो शब्द बोक्न नसक्ने मान्छे
उक्त सम्बोधन नसुहाउने मान्छे
शब्दको मर्मले मर्माहत मान्छे
कामरेडको “क”बाट कटेको मान्छे
त्यसैले
मलाई कामरेड नभन
आज भन्दै नभन
र भोलि पनि नभन्नू
कामरेड ती थिए
जसले बलिदान दिए
ज–जसले रगत बगाए
आफ्नो पसिनाले
आफ्नो मातृभूमि लछप्पै भिजाए
सामाजिक न्यायको लागि
आफू जेल नेल खाए
हो, हजुर ती थिए कामरेड
भन्ने भए तिनैलाई भन
तर मलाई बिल्कुलै नभन ।
सुन्दा सुन्दर लागे पनि
भन्दा सजिलो लागे पनि
सम्बोधन ब्यक्ति सुहाउँदो हुनुपर्छ
ब्यक्तिले त्यसको भार थामेको हुनुपर्छ
हिजोको कामरेड आज नहुन पनि सक्छ
कामरेड छोडेर
सर र साहेब पनि बन्न सक्छ
हिजोको लालसेना
आज लडाकु मात्र भनिएझै
हिजोका सर्वहारा
आजका सम्पन्न भएजस्तै
कामरेडको पनि मानमर्दन भएको छ
त्यसैले कामरेड नभन कसैलाई
र बिर्सेर पनि नभन मलाई
कामरेडबाट
रेड हराएको बेला छ
आत्मभित्रबाट आत्मीयता गायब छ
शब्द सस्तो बनाइएपछि
यसको तौल बेलुन जति भएको छ
जनवादी जनविरोधी सबै कामरेड भएपछि
यसको मूल्यमान्यता र सर्वथोक हराएको छ
यो उपहास र यो बिरोधाभाषको बेला
कसैलाई कामरेड नभन
र मलाई त झन् भुलेर पनि नभन ।
प्युठान, नेपाल । हाल : मुम्बई, भारत
प्रतिक्रिया