गुण्डा नाइकेले दिए सलमानलाई अदालतमै मार्ने धम्की
सारांश
- मुम्बई, पुस २३ ।
- बलिउड अभिनेता सलमान खानलाई भारतका एक गुण्डा नाइकेले ज्यान मार्ने धम्की दिएका छन् ।
- नाइके लरेन्स विश्रोईले विहीबार सलमानलाई यस्तो धम्की दिएका हुन् ।
मुम्बई, पुस २३ । बलिउड अभिनेता सलमान खानलाई भारतका एक गुण्डा नाइकेले ज्यान मार्ने धम्की दिएका छन् । नाइके लरेन्स विश्रोईले विहीबार सलमानलाई यस्तो धम्की दिएका हुन् ।
अन्तर राज्य गिरोहका नाइके विश्रोईले जोधपुरस्थित कोर्टमा उपस्थित भएका सलमानलाई मार्ने धम्की दिएको भारतीय सञ्चारमाध्यमहरुले जनाएको छ । विश्रोईले भनेका छन्– देख्नमा हामी छात्र हौं । तर, सलमानलाई जोधपुरमा मार्नेछौं । तब प्रहरीले थाहा पाउनेछ ।
आफ्नो मुद्दामा बहस भइरहेका बेला विहिबार सलमान अदालत पुगेका थिए । हाल सलमान फिल्म शुटिंगका क्रममा जोधपुरमा छन् । त्यहाँको अदालतमा उनको कालो हरिण मारेको मुद्दा २० वर्षदेखि चलिरहेको छ ।
सलमान अदालत पुगेपछि अन्तर राज्य गिरोहका नाइके लरेन्सले ज्यान मार्ने धम्की दिएको छ । धम्की दिएपछि प्रहरीले उनलाई पक्राउ गरी जोधपुर अदालतमा पेश गरेको छ ।
हत्या, अवैध असुली र फायरिंग लगायत कयौं घटनामा उनको संलग्नता रहँदै आएको छ। उनले केही दिन पहिला व्यापारी वासुदेवको गोली हानी हत्या गरेका थिए ।
प्रतिक्रिया