जी–ट्वान्टी सम्मेलनमा अमेरिका र चीनबीचको व्यापार युद्ध केन्द्रमा

काठमाडौं, १४ मंसिर । विश्वका मजबुत अर्थतन्त्र भएका २० राष्ट्र सहभागी जी–ट्वान्टी सम्मेलन अर्जेन्टिनाकोे ब्रुनो एरिसमा आज सुरु हुँदैछ । सम्मेलनका क्रममा मुख्य अर्थतन्त्र भएका दुई मुलुक अमेरिका र चीनका राष्ट्रपतिबीचको भेटलाई केन्द्रविन्दुमा राखिएको छ ।

अमेरिका र चीनबीच जारी ब्यापार युद्धको अन्त्यका लागि दुई नेताबीचको भेटलाई महत्वपूर्ण मानिएको छ । दुई मुलुकबीचको व्यापार सम्झौतालाई पुन सही दिशा दिन भेट सफल हुने आशा गरिएको बीबीसीले उल्लेख गरेको छ । राष्ट्रपति ट्रम्पले केही दिन अघि मात्रै २ सय अर्ब अमेरिकी डलरको चिनियाँ सामाग्री माथि करवृद्धिको योजना सार्वजनिक गरेका थिए ।

दुई मुलुकले गत जुलाई देखि एकअर्काको आयात माथि कर लगाउने निर्णय गरेका थिए । ट्रम्पले गत महिना चीनसँग भईरहेको वार्ताको माध्यमबाट समझदारीमा पुग्न सक्ने बताएका थिए । जी–२० सम्मेलनमा सहभागी हुन अमेरिका र चीन सहित, भारत, जापान, फ्रान्स, रुस, जर्मन, टर्की, अष्ट्रेलिया, ब्राजिल, ईटाली, साउदी अरेबिया लगायत मुलुकका कार्यकारी प्रमुख अर्जेन्टिना पुगेका हुन् ।

अफगानिस्तानको काबुलमा भएको आक्रमणमा ११ जना नेपाली घाइते
काठमाडौं, १४ मंसिर । अफगानिस्तानको काबुलमा बुधबार भएको आक्रमण परी ११ जना नेपाली घाइते भएका छन् ।

अफगानिस्तानको आन्तरिक मामिला मन्त्रालयले बुधबार भएको आक्रमणमा ११ नेपाली र पाँच बेलायती नागरिक घाइते भएको पुष्टी गरेको हो । उनीहरू कार्यरत रहेको बेलायती सुरक्षासम्बन्धी कम्पनी जीफोरएसले घटनामा परेका व्यक्तिका परिवारलाई जानकारी गराएको छ ।

बुधबार जीफोरएसको कार्यालय परिसरमा विद्रोही समुह तालिवानको आक्रमणमा परि चार विदेशीसहित कम्तीमा १० जनाको मृत्यु भएको थियो ।