झापामा ओलीलाई दोब्बर मतको अग्रता, सबै क्षेत्रमा वाम गठवन्धन अगाडि
सारांश
- झापा, मंसिर २३– झापा क्षेत्र नम्बर ५ मा नेकपा एमालेका अध्यक्ष केपी शर्मा ओलीले कांग्रेस उम्मेदवारभन्दा दोब्बर मत ल्याउनु भएको छ ।
- पछिल्लो मतपरिणाम अनुसार ओलीले ११ हजार ४ सय ६६ पाउनु भएको छ ।
- उहाँका प्रतिस्पर्धि कांग्रेसका खगेन्द्र अधिकारीको ५ हजार १ सय ५ मत छ ।
झापा, मंसिर २३– झापा क्षेत्र नम्बर ५ मा नेकपा एमालेका अध्यक्ष केपी शर्मा ओलीले कांग्रेस उम्मेदवारभन्दा दोब्बर मत ल्याउनु भएको छ । पछिल्लो मतपरिणाम अनुसार ओलीले ११ हजार ४ सय ६६ पाउनु भएको छ । उहाँका प्रतिस्पर्धि कांग्रेसका खगेन्द्र अधिकारीको ५ हजार १ सय ५ मत छ । झापाका सबै क्षेत्रमा वाम गठबन्धनले अग्रता लिएको छ ।
पछिल्लो मत परिणाम अनुसार झापा १ मा माओवादीका सुरेन्द्रकुमार कार्कीले ११ हजार ४७ मतसहित अगाडि हुनुहुन्छ । कांग्रेसका विश्वप्रकाश शर्माको १० हजार २ सय ६५ मत छ ।
क्षेत्र नम्बर २ मा एमालेकी पवित्रा निरौला २ हजार ९ सय २४ मतसहित अगाडि हुनुहुन्छ । कांग्रेसका उद्वव थापाको १ हजार ९ सय ५१ मत छ ।
झापा ३ मा राप्रपाका राजेन्द्रप्रसाद लिङ्देन ९ हजार ५ सय ५छ मतसहित अगाडि हुनुहुन्छ । उहाँलाई वाम गठवन्धनले सहयोग गरेको छ । कांग्रेसका कृष्णप्रसाद सिटौलाको ७ हजार १ सय ५८ मत छ ।
झापा क्षेत्र नम्बर ४ मा एमालेका लालप्रसाद साँवा लिम्वु १२ हजार ७ सय ४२ मत सहित अगाडि हुनुहुन्छ । कांग्रेसका देउकुमार थेवेको ७ हजार ७ सय ७५ मत छ ।
प्रतिक्रिया