ठमेलका डान्सबारबाट २० जना बालबालिका उद्दार
सारांश
- काठमाडौं ।
- नेपाल प्रहरीले ठमेल क्षेत्रबाट २० जना बालबालिकालाई उद्दार गरेको छ ।
- महानगरीय प्रहरी परिसरको नेतृत्वमा सञ्चालन भइरहेको ‘अप्रेसन रेस्क्यु अन्डरएज’ अभियानअन्तर्गत डान्सबारमा प्रवेश गर्न खोज्ने २० बालबालिकालाई आज शनिबार बिहान तीन बजे उद्दार गरेको हो ।
काठमाडौं । नेपाल प्रहरीले ठमेल क्षेत्रबाट २० जना बालबालिकालाई उद्दार गरेको छ । महानगरीय प्रहरी परिसरको नेतृत्वमा सञ्चालन भइरहेको ‘अप्रेसन रेस्क्यु अन्डरएज’ अभियानअन्तर्गत डान्सबारमा प्रवेश गर्न खोज्ने २० बालबालिकालाई आज शनिबार बिहान तीन बजे उद्दार गरेको हो ।
वृत्तका प्रमुख प्रहरी नायब उपरीक्षक गौतमकुमार केसीले अपराधजन्य घटनामा जोखिमपूर्ण अवस्थामा रहेका बालबालिकालाई उद्धार गरिएको बताए । ठमेलभित्र हुने अपराधजन्य घटनाको जोखिमबाट जोगाउन ती बालबालिकालाई नियन्त्रणमा लिएको बताए ।
उद्धार गरिएका बालबालिकालाई उनीहरुका अभिभावकलाई आवश्यक परामर्श गरेर जिम्मा लगाउने वृत्तले जनाएको छ । महानगरीय प्रहरी परिसरले ठमेल, दरबारमार्ग, नयाँ बसपार्कलगायत जहाँ धेरै बालबालिका जान्छन् त्यस्ता क्षेत्रमा उक्त अभियान चलाउँदै आएको बताए ।
वृत्तले यसअघि ठमेल क्षेत्रका विभिन्न होटल, रेष्टुराँ तथा क्लबमा काम गर्ने ७८ बालबालिकाको उद्धार गरी सम्बन्धित अभिभावकलाई जिम्मा लगाएको थियो ।
प्रतिक्रिया