दुई हजार वर्ष पुरानो जहाज भूमध्यसागरमा भेटियो

दुई हजार वर्ष अघि जहाजी युद्धको इतिहास त सुनिएकै हो । हजारौं वर्ष पहिले पनि मानिसहरु समुन्द्री यात्रा जहाजबाट गर्थे । मानव समाजले समुन्द्री यात्राका लागि यो हदसम्मको विकास गरिसकेको थियो । यसलाई पुष्टि गर्ने गरी पुरातत्वविदहरुले नयाँ तथ्य पत्ता लगाएका छन् ।

पूर्वी भूमध्यसागरमा अहिले सम्मकै विशाल जहाज फेला परेको छ । करिब दुई हजार वर्ष पहिला उक्त जहाज भूमध्यसागरमा रक्सीको भाँडो र तेल लिएर पार गरिरहेको अवस्थामा बेपत्ता भएको थियो ।

३५ मिटर ठूलो जहाजलाई प्रातत्वविद्हरुले पत्ता लगाउन सफल भएका हुन् । पूथ्वीको सतहबाट करिब ६० मिटर तल जहाज सामानसहित यथावत् रहेको थियो । पूरातत्वविदहरुले विशेष प्रविधिबाट जहाजलाई पत्ता लागाएका हुन् । यो जहाजलाई विश्वकै चौथो विशाल जहाजको रुपमा चिनिएको छ ।

यस्तै अन्य जहाजको खोजी निरन्तर रुपमा जारी रहेको जनाइएको छ । पौराणिक कालको सामुन्द्रिक मार्गको बारेमा जानकारी समेत दिनेछ । अहिले उत्पादन हुने जहाजहरु करिब ५० फिट हुन्छ भने पहिले निर्माण गरिएको जहाज करिब सय फिट रहेको जनाइएको छ । विश्व युद्धको पालादेखि यो तेस्रो ठूलो खोजी रहेको जनाइएको छ । यस जहाजको विस्तृत अनुसन्धान जारी रहेको छ । यस जहाजलाई पुनः प्राप्ती गर्न निकै समय र अत्याधिक रकम लाग्ने बिज्ञहरु बताउँछन् । डि एन एको प्रविधिबाट त्यस भित्र रहेको सामानको खाजी गरिनेछ ।