नेपालमा ढुक्क भएर लगानी गर्नुहोस् : अध्यक्ष दाहाल

काठमाडौं । नेपाल कम्युनिष्ट पार्टी (नेकपा)का अध्यक्ष पुष्पकमल दाहालले नेपालमा लगानी गर्न कुनै समस्या नभएकाले ढुक्क भएर लगानी गर्न आग्रह गरेका छन् ।

लगानी सम्मेलनमा सहभागी स्वदेशी, विदेशी लगानीकर्तालाई ढुक्क भएर लगानी गर्न आग्रह गरे । सम्मेरलन समापनमा सरकारले लगानीकर्तालाई उच्च प्रतिफल हुने गरी कानुनी तथा नीतिगत सुधार गरी सकारात्मक वातावरण सिर्जना गरेको बताए ।

नेपालमा लगानी गरेर उच्च प्रतिफल हासिल गर्नसमेत आग्रह गर्दै राजनीतिक स्थायित्वले लगानीकर्तालाई विश्वास दिलाएको उल्लेख गरे ।

अध्यक्ष दाहालले पछिल्लो दिनमा व्यवस्थापन तथा बजारीकरणमा नवीन प्रयास गरिएको, सरकारले दर्जनौँ सुधारका काम गरेको, लगानीका लागि सहज बनाइएको उल्लेख गरे । नेपाल आकर्षण लगानी गन्तव्य हो भन्ने सम्मेलनबाट स्पष्ट भएको दाहालको दाबी छ ।

नेपालको जनशक्ति, प्राकृतिक स्रोत, साधनले लगानीकर्तालाई सहज वातावरण बनाएको स्पष्ट पार्दै छिमेकी देशसँग गरिएको शुल्करहित भन्सार प्रक्रियाले थप सहजीकरण गरेको बताए ।

दक्षिण एशियामै पर्यटन क्षेत्रका लागि महत्वपूर्ण स्थानमा रहेको जानकारी दिँदै अध्यक्ष दाहालले मनोरम प्राकृतिक सुन्दरताका कारण पनि नेपाल लगानीका लागि थप योग्य रहेको बताए ।