प्रधानमन्त्री कप क्रिकेट : हरी गौचनको सतकिय पारी

काठमाडौँ, १६ जेठ । काडमाडौँमा जारी प्रधानमन्त्री कप क्रिकेटमा प्रदेश नं. ४ ले प्रदेश नं. १ लाई ३ सय ११ रनको विशाल लक्ष्य दिएको छ ।

बुधबार किर्तिपुर त्रिवि क्रिकेट मैदानमा भएको खेलमा हरी गौचनको सतकिय पारीको मद्दतमा प्रदेश नं. ४ ले सात विकेट गुमाउँदै ३ सय १० रन बनाएको हो ।

टस जितेर ब्याटिङ गरेको प्रदेश नम्बर ४ र्का ब्याट्सम्यान हरी गौचनले १०० रनको सतकिय पारी खेले । ११५ बलको सामना गरेका उनले १ छक्का र ८ चौका प्रहार गरेका थिए । त्यस्तै अर्का ब्याट्म्यान सुमा घिमीरेले आक्रामक ब्याटिङ गर्दै ५३ बलमा ६ छक्का र ६ चौका प्रहार गर्दै ८३ रन बनाए ।

प्रदेश नं. १ का लागि पुष्प थापा र सन्दीप ढुङ्गानाले समान २÷२ विकेट लिए ।
आजै मुलमानी क्रिकेट मैदानमा भैरहेको प्रदेश नं. ५ र प्रदेश नं. ७ बिचको खेल भने पानीका कारण रोकिएको छ ।

लगातार दुई खेल हारेको प्रदेश नं. ४ समूह ए को अन्तिम स्थानमा छ भने एक खेलबाट दई अंक बटुलेको प्रदेश नं. १ शिर्ष स्थानमा छ । अर्को चरणमा जानको लागि प्रदेश नं. ४ लाई यो खेल जित्नै पर्ने दवाव छ ।