बाबुरामको खुलासाः प्रचण्ड अध्यक्ष पक्का ! दिए बधार्इ !

काठमाडौं, माघ ९ । नयाँ शक्तिका संयोजक डा. बाबुराम भट्टराईले एमाले–माओवादी एकतापछि माओवादी अध्यक्ष प्रचण्डले अध्यक्ष पद पाउने पक्का भएको भन्दै व्यंग्य गरेका छन् । प्रचण्डको भनाईलाई उद्वृत गर्दै बाबुरामले सामाजिक सञ्जाल ट्विटमार्फत यस्तो गरेका हुन् ।

मंगलबार अन्नपूर्ण पोस्ट्मा प्रकाशित प्रचण्डले कार्यकर्तालाई दिएको प्रशिक्षणको अंश प्रति टिप्पणी गर्दै बाबुरामले प्रचण्डले अध्यक्ष पद पाउने पक्का भएको भन्दै बधाई समेत दिँदै व्यंग्य गरेका छन् ।

‘प्रचण्ड उवाच–‘हामीभन्दा पहिले एमाले ने उग्रपन्थमा थिए, हामी त पछिका उग्रपन्थ। उहाँहरु (एमाले) त हाम्रा गुरु’, बाबुरामले ट्वीटरमा भनेका छन्, ‘पहिला उग्रवादी सिकाएर जानुभयो हामीलाई। सुधारवादी पनि उहाँहरु हामीभन्दा पहिलेका सुधारवादी । हामी पछिपछि आइयो ।’ (अन्नपूर्ण पोस्ट्) लौ, अध्यक्ष पद पक्का ! बधाई !!’

प्रचण्ड उवाच-‘हामीभन्दा पहिले एमाले नै उग्रपन्थमा थिए,हामी त पछिका उग्रपन्थ।उहाँहरू(एमाले)त हाम्रा गुरू।पहिला उग्रवादी सिकाएर जानुभयो हामीलाई।सुधारवादी पनि वहाँहरू हामीभन्दा पहिलेका सुधारवादी।हामी पछिपछि आइयो।'(अन्नपूर्ण पोष्ट) लौ,अध्यक्ष पद पक्का! वधाइ!!

— Baburam Bhattarai (@brb1954) January 23, 2018