मतदाता शिक्षा लिएर स्वयंसेवक गाउँ पसे
सारांश
- रामेछाप, कात्तिक २६– जिल्ला निर्वाचन कार्यालय रामेछापले आइतबारबाट मतदाता शिक्षा स्वयंसेवकलाई गाउँगाउँमा पठाएको छ ।
- आगामी मंसिर १० गते हुन लागेको प्रदेशसभा र प्रतिनिधिसभाको चुनावमा बदर मत कम गर्ने उद्वेश्यले स्वयंसेवकलाई मतदाता शिक्षा दिन गाउँ पठाउको हो ।
- कार्यालयले शिक्षक, सामाजिक परिचालक र महिला स्वास्थ्य स्वंयसेविका गरी १ सय ९१ जनालाई मतदाता शिक्षा तालिम दिएर उनीहरुलाई गाउँगाउँमा पठाएको हो ।
रामेछाप, कात्तिक २६– जिल्ला निर्वाचन कार्यालय रामेछापले आइतबारबाट मतदाता शिक्षा स्वयंसेवकलाई गाउँगाउँमा पठाएको छ ।
आगामी मंसिर १० गते हुन लागेको प्रदेशसभा र प्रतिनिधिसभाको चुनावमा बदर मत कम गर्ने उद्वेश्यले स्वयंसेवकलाई मतदाता शिक्षा दिन गाउँ पठाउको हो ।
कार्यालयले शिक्षक, सामाजिक परिचालक र महिला स्वास्थ्य स्वंयसेविका गरी १ सय ९१ जनालाई मतदाता शिक्षा तालिम दिएर उनीहरुलाई गाउँगाउँमा पठाएको हो । तालिममा सहभागीहरुलाई मतदान गर्ने तरीका, बदर मत घटाउने उपायका बारेमा केन्द्रित रहेर मतदाता शिक्षकहरुलाई प्रशिक्षण दिइएको थियो ।
गाउँगाउँमा पुगेका स्वंयसेवकहरुले प्रत्येक मतदाताहरुको घर–घरमा पुगेर मतदाताहरुलाई मतदान प्रक्रियामा स्वस्तिक छाप कहाँ लगाउनुपर्छ भन्ने बुझाउनुपर्ने र प्रत्येक घरमुलीको हस्ताक्षरसहितको कागजात जिल्ला निर्वाचन कार्यालयमा बुझाउनुपर्ने रामेछापका निर्वाचन अधिकृत कपिलप्रसाद उपाध्यायले बताउनुभयो ।
प्रतिक्रिया