मन्त्री बीना मगरकाे गाडी कांग्रेसका कार्यकर्ताले नचिनेपछि…

काठमाडाै,१०कात्तिक।शुक्रबार कञ्चनपुरको बेलौरीमा आयोजित प्रथम बेलौरी महोत्सवको उद्घाटनमा पुगेका पत्रकारका नेताहरुलाई कांग्रेसकका कार्यकर्ताले   कालोझण्डा देखाएका छन् ।कांग्रेसका कार्यकर्ताले सडकपेटीमा उभिएर पत्रकार चढेको गाडीलाई कालोझण्डा देखाएका हुन् ।

बेलौरी महोत्सवमा आयोजकले सार्वजनिक पद धारणा गरेका व्यक्तिलाई मात्र बोलाएको र पार्टीलाई निम्ता नगरेको भन्दै कांग्रेसका नेता, कार्यकर्ता आक्रोशित बनेका छन् ।आक्रोशित बनेका कार्यकर्ताले महोत्सवमा आउने सबै आगन्तुकमध्ये पत्रकार चढेको गाडीलाई कालोझण्डा देखाएका हुन् । महोत्सवको प्रमुख अतिथिका रुपमा खानेपानी मन्त्री बीना मगरलाई निम्त्याइएको थियो ।उनी कञ्चनपुरकी निर्वाचित सांसद पनि हुन् ।

दलहरुलाई महोत्सवमा निम्ता नगरेको सूचना पाएपछि मन्त्री मगरले आयोजकलाई पुन पत्राचार गर्न सुझाएकी थिइन् ।कांग्रेस कार्यकर्ताले मन्त्री मगर चढेको गाडी भन्दै पत्रकारको गाडीलाई कालोझण्डा देखाएपछि स्थानीय आश्चर्यचकित भएका थिए । यसबारे कांग्रेसले अहिलेसम्म आफ्नो आधिकारिक धारणा सार्वजनिक गरेको छैन ।पत्रकार महासङ्घका कञ्चनपुर नेता राजेन्द्र अवस्थीलाई पत्रकार महासङ्घको गाडीमा कालोझण्डा देखाएको भन्दै आपत्ति जनाएको छन् । उनले फेसबुकमा स्टाटस लेख्दै पत्रकार र मन्त्रीको गाडी पनि नचिन्ने भन्दै व्यङ्गसमेत गरेका छन् ।