माइन आक्रमणपछि पनि वर्षमानको चुनावी अभियान जारी
सारांश
- काठमाडौं, २५ कार्तिक।
- चुनावी प्रचारको क्रममा माइनस विष्फोटनमा परेका नेकपा माओवादी केन्द्रका नेता तथा रोल्पाका उम्मेदवार वर्षमान पुनको चुनावी अभियान शनिबार घर्तीगाउँ पुगेको छ।
- शुक्रबारको चुनावी कार्यक्रम सकेर फर्किने क्रममा पुन चढेको गाडी नेत्रविक्रम चन्द नेतृत्वको नेकपाका कार्यकर्ताहरुले बिछ्याएको माइनमा परेको थियो।
काठमाडौं, २५ कार्तिक। चुनावी प्रचारको क्रममा माइनस विष्फोटनमा परेका नेकपा माओवादी केन्द्रका नेता तथा रोल्पाका उम्मेदवार वर्षमान पुनको चुनावी अभियान शनिबार घर्तीगाउँ पुगेको छ।
शुक्रबारको चुनावी कार्यक्रम सकेर फर्किने क्रममा पुन चढेको गाडी नेत्रविक्रम चन्द नेतृत्वको नेकपाका कार्यकर्ताहरुले बिछ्याएको माइनमा परेको थियो। विष्फोटनबाट मोटरमा सामान्य क्षति भएपनि सबै सकुशल रहेको छन्।
‘हिजोको घटनापछि पनि हाम्रो चुनावी अभियान जारी छ’ नेकपा एमाले नेता गोकुल घर्तीले शिखरन्युजसँग भने, ‘घर्तीगाँउमा कार्यक्रममा सबै सहभागी छौं।’
रोल्पा जिल्लाको माडीगाउँपालिका– १ स्थिति भिट्टाबाङ भन्ने स्थानमा सो माइन बिस्फोट भएको बताइएको छ। विस्फोट लगत्तै बाटो छेउमा लुकेर बसेका विप्लवका कार्याकर्ताले वाम गठबन्धनका उम्मेवारलाई लक्षित गरी फायरिङ गरेका थिए। उम्मदेवारको सुरक्षामा स्कटिङमा रहेको टोलीले जवाफी फायरिङ गरेपछि आक्रमणकारी भागेको थियो।
पुनले हत्या गर्ने उद्देश्यले शक्तिशाली माइन विस्फोट गराइए पनि गाडीमा मात्रै सामान्य क्षति भएको बताए।
वर्षमान पुनसमेत चढेको गाडीमा माओवादीकी समानुपातिक उम्क्मदेवार जयपुरी घर्ती पनि थिइन् ।
त्यसको केहीपछि एमालेका पोलिटब्यूरो सदस्य गोकुल घर्ती र एमालेबाट प्रदेशसभाका समानुपाति उम्मेदवार ईश्वर घर्ती सवार गाडी रहेको थियो।
शुक्रबार मात्रै रुकुममा पनि माओवादी उम्मदेवार जनार्दन शर्मालाई लक्षित गरेर विप्लवका कार्यकर्ताले बम प्रहार गरेका थिए ।
प्रतिक्रिया