‘सपना’ जस्तै एसिया कपको ‘सपना’

काठमाडौँ, १८ भदौ । नेपाली राष्ट्रिय क्रिकेट टोलि यतिबेला एसिया कपका लागि मलेसियामा छनोट खेल खेलिरहेको छ । तर नेपालको एसिया कप यात्रा भने यो वर्षका लागि लगभग सकिएको छ । मात्र अंक गणितमा बाँकि सम्भावनाले नेपाली क्रिकेट सर्मथकको आश कायम राखेको छ ।
प्रतियोगिता अघिका ३ अभ्यास खेलमा नेपालले निकै राम्रो प्रदर्शन गरेको थियो । तर मेलेसियामा भने सोचे अनुरुपको खेल देखाउन सकेन । उपाधीको दावेदार बनेर मेलेसिया पुगेको नेपालसँग आत्मविश्वासको कमी थिएन । परिचित प्रतिद्वन्द्वी र एकदिवसीय मान्यता पाएपछिको पहिलो प्रतियोगिता, नतिजा आफ्नो पोल्टामा पार्ने पूर्ण विश्वासका साथ नेपाल मलेसिया पुगेको थियो ।
पहिलो खेल थियो ओमानसँग । उही ओमान जो धेरै पटक नेपालको टाउको दुःखाई बनेको थियो । नेपाललाई पछिल्लो डिभिजन २ को हार अझै सम्झना थियो ।

डिभिजन २ सँग गरेर नेपालले ओमानसँग लगातार ३ पटक लज्जास्पद हार व्यहोरिसकेको थियो । यो पटक त्यो हारको शिल्शिला भंग गर्ने साथै जितसँगै प्रतियोगिताको सुखद सुरुवात गर्ने दृढ सोचका साथ नेपाल मैदान उत्रियो । सँधैझै ब्याटिङ्मा समस्या देखिएको नेपालले राम्रो सुरुवात गर्न सकेन । तर पनि सागर पुन, ज्ञानेन्द्र मल्ल, आरिफ शेख र करन केसीका कारण विपक्षिका लागि सम्मान जनक लक्ष्य खडा ग¥यो । २ सय रन कट्नु भनेको नेपालको आधा जित मानिन्छ । ओमानसँगै १ सय १५० रन बचाएको अनुभव भैसकेको नेपाललाई २ सय २२ रन बचाउनु त्यति गाह्रो कुरा थिएन । तर नेपालका लागि त्यो दिन नै खराब थियो । ब्याट्सम्यानले औसत खेलेपनि बलरले कुनै चमत्कार गर्न सकेनन् । र ओमानले सजिलै लक्ष्य भेट्यो मात्र ३ विकेटको क्षतिमा । यो ओमानको नेपाल विरुद्ध लगातार चौथो जित थियो । डिभिजन ३ मा रहेको ओमानले अंकतालिकामा आफ्नो अंक मात्र थपेन एकदिवसीय मान्यता प्राप्त देशलाई हराएर मनोबल पनि बढायो ।

दोस्रो खेल नेपाललाई जित्न दबाव थियो । युएई पनि एकदिवसीय मान्यता प्राप्त टोलि भएकाले उक्त खेल पनि अन्तर्राष्ट्रि एकदिवसीय मान्यता प्राप्त थियो । नेपाललाई आफ्नो एकदिवसीय वरियता सुधार्न र यसै प्रतियोगिताका लागि पनि खेल निकै महत्वपूर्ण थियो । तर टस जितेको नेपालले खेल जित्न सकेन । पहिले ब्याटिङ्को निम्तो लिएर मैदान छिरेको युएईले ९ विकेट गुमाएर २ सय ५० को आँकडा पार ग¥यो । जुन नेपालका लागि पहाड थियो । तर नयाँ ब्याटिङ् कोच र एकदिवसीय मान्यताको जोशका अघि त्यो लक्ष्य ठूलो थिएन । उसै पनि २ सय ५० भनेको एकदिवसीय क्रिकेटमा आजभोलि सामान्य बनिसकेको छ । तर नेपालको खेल उस्तै रह्यो । जस्तो बर्षौ पहिले देखि देख्दै आएका थियौँ । कमजोर ब्याटिङ् । नेपालका लागि सुवाष खकुरेलले रनको दुइगुणा बल खाएर अर्धसतक बनाउनु बाहेक अरु खेलाडी जम्न सकेनन् ।

लगातार दुई खेल गुमाएपछि नेपालले अब बाँकि सबै खेल जित्दा पनि फाईनल खेल्ने पक्का थिएन । तर अंक बराबर भएर नेपालले नेट रन रेटमा ठूलो छलाङ् मार्न सफल भएमा भने फाइनल खेल्ने साँघुरो सम्भावना बाँकि थियो । तेस्रो खेल नेपालको आयोजक मलेसियासँग प¥यो । तुलनात्मक रुपमा कमजोर मानिएको मलेसियाले आफ्नो पहिलो खेलमा हङ्कङ्लाई हराएर सबैलाई अचम्मित बनाएको थियो । नेपालले खेल जितेर मात्रै पुग्थेन । ठूलो रन अन्तरले जित्नु जरुरी थियो । वर्षाका कारण ३० ओभरमा झारिएको खेलमा नेपालले कठिन १९ रनको जित निकाल्यो । यसले नेट रनरेटमा त्यति फरक नपारे पनि महत्वपूर्ण अंक भने थप्यो । नेपालले सिंगापुरसँगको खेलमा भने राम्रै रनरेट बनायो र फाइनलको यात्राको सम्भावना गणितमै बचाइराख्यो ।

प्रतियोगितामा नेपाल आफ्नो अन्तिम खेल हङ्कङ्सँग खेल्दैछ । जुन जितेर मात्र नेपाललाई फाइनलका लागि काफि हुँदैन । त्यसका लागि मंगलबार हुने खेलमा युएई ओमानसँग ठूलो रन अन्तरले हार्नुपर्छ र नेपालले आफ्नो खेल ठूलो रनअन्तरले जित्नुपर्ने हुन्छ । एकदिवसीय मान्यता पाइसकेपछि पनि खेल नसुध्रिनुको एउटा कारण हो उहि पुरानो तयारी । सपना एसिया कप खेल्ने देख्ने, अनि तयारी उही पुरानो हुनु एक समस्या हो । साथै निलम्बित क्यान, स्तरिय प्रशिक्षक नुहुनु पनि नेपालको खराब प्रदर्शनका कारण हुन् । प्रतियाेगिताकाे विजेता नै एसियाकपमा सहभागि हुनेछ ।