‘समग्र विकासका लागि तिनै तहमा कम्युनिष्ट सरकार आवश्यक छ’– नेता पोखरेल

गोकर्ण पौडेल,

दाङ, मंसिर ८ गते । नेकपा एमालेका स्थायी कमिटी सदस्य एवम् दाङ क्षेत्र नम्बर दुई प्रदेश सभा (१) का उम्मेद्वार शंकर पोख्रेलले समग्र विकासका लागि तिनै तहमा कम्युनिष्ट सरकार आवश्यक रहेको बताउनुभएको छ । ‘संघिय राज्य प्रणाली तथा प्रदेश तहको समग्र विकासका लागि तिनै तहमा कम्युनिष्ट सरकार आवश्यक छ । त्यसका लागि तपाईंहरुको अमुल्य मतको खाँचो हामीलाई दिनुहोस् । हामी मुलुकको काचुली फेर्छाै’– उहाँले भन्नुभयो ।

शुक्रबार दाङ घोराही वडा नम्वर १८ निर्वाचन परिचालन कमिटीले आयोजना गरेको कार्यक्रममा बोल्दै नेता पोखरेलले स्थानीय तहमा कम्युनिष्ट सरकार भएजस्तै प्रदेश र केन्द्रमा समेत कम्युनिष्ट सरकार आवश्यक रहेको बताउनुभयो । उहाँले समग्र प्रदेशको विकास र सम्वृद्धिकालागि कृषिलाई उत्पादन मुलक कार्यमा जोड दिइने बताउनुभयो ।

निर्वाचन परिचालन कमिटीका संयोजक मीनराज गौतमले किसानसँग जेटिए नेपाली काँग्रेसको पालामा हटाइएको बताउनुभयो । कार्यक्रम निर्वाचन परिचालन कमिटीका संयोजक गौतमको अध्यक्षतामा कार्यक्रम सम्पन्न भयो ।