समृद्ध नेपाल सुखी नेपालीको सपना साकार पार्न प्रतिबद्ध

काठमाडौं । प्रधानमन्त्री केपी शर्मा ओलीले राज्यका निर्देशक सिद्धान्त, नीति र दायित्व कार्यान्वयनका लागि सरकारले गरेका कामका बार्षिक प्रतिवेदन राष्ट्रपति विद्यादेवी भण्डारीलाई हस्तान्तरण गरेका छन् ।

प्रधानमन्त्री ओलीले देशमा उपलब्ध स्रोत साधनको अधिकतम परिचालन गरी विकासका कार्यक्रमहरुलाई प्राथमिकीकरण गरिएको बताए । प्रधानमन्त्री ओलीले संविधानमा उल्लेखित राज्यका निर्देशक सिद्धान्त, नीति तथा दायित्वलाई क्रमशः कार्यान्वयन गर्दै समृद्ध नेपाल, सुखी नेपालीको सपना साकार पार्न सरकार प्रतिबद्ध रहेको बताए ।

प्रधानमन्त्री ओलीले आर्थिक बर्ष २०७३/०७४ को प्रतिवेदन राष्ट्रपतिलाई बुझाएका हुन् । चार परिच्छेद रहेको प्रतिवेदनमा परिचय, राज्यका निदेर्शक सिद्धान्त, नीति र दायित्वको कार्यन्वयनका लागि भएका काम, उपलब्धीहरु, सरकारी वित्त व्यवस्था, उपहसंहार समेटिएको छ ।

सो आर्थिक वर्षमा सरकारबाट २२ विषयगत ऐन निर्माणका विधेयकहरु, २१ नियमावली, नौ विषयगत मापदण्ड र ११ गठन आदेश तथा कार्यविधि स्विकृत भएको बताए । कार्यविधि अनुसार संघीय शासन प्रणाली अनुरुप कानुनी संरचना निर्माणको काम भएको प्रधानमन्त्री ओलीले बताए ।