सरकारले ९ वटा अस्पताललाई संघको मातहतमा राख्यो

काठमाडौं । सरकारले विभिन्न ९ वटा अस्पताललाई संघको मातहतमा राख्ने निर्णय गरेको छ । सञ्चार तथा प्रविधिमन्त्री गोकुल बाँस्कोटाले मन्त्रिपरिषद्का निर्णय सार्वजनिक गर्ने क्रममा स्वास्थ्य मन्त्रालयअन्तर्गतका विभिन्न विकास समितिलाई संघअन्तर्गत रहने बताए ।

कान्ति बाल अस्पताल, परोपकार प्रसुति तथा स्त्री रोग अस्पताल, शुक्रराज ट्रपिकल तथा सरुवा रोग नियन्त्रण अस्पताल, सिंहदरबार वैद्यखाना, किटजन्य रोग अनुसन्धान तथा तालिम केन्द्र, मानसिक अस्पताल, नरदेवी आर्युवेद अस्पताल, मानव अंग प्रत्यारोपण केन्द्रलाई संघको माताहत राखिएको छ ।

सरकारले ७ जना प्रमुख सेनानीको बढुवा गरेको छ । त्यसैगरी १३ जनाको सरुवा
गरेको छ । पुस १९ र १३ मा बसेका मन्त्रिपरिषद् निर्णय सार्वजनिक गर्ने क्रममा
यसैगरी सरकारले राष्ट्रपतिदेखि तलसम्म मर्यादाक्रम पनि सार्वजनिक गरेको छ। वैठकले नेपालगञ्ज रंगशाला परिसरभित्र रहेको २ कठ्ठा ७ धुर जग्गा राष्ट्रिय खेलकुद परिषदलाई दिने स्वीकृति दिएको छ ।

त्यसैगरी, रोजगार हकसबन्धी नियमावली–२०७५ र गाउँ विकास समिति राष्ट्रिय महासंघ नेपालको संशोधित विधान–२०७४ पनि स्वीकृत गरिएको छ । नेपाल प्रहरी तथा प्रदेश प्रहरीले सम्पादन गर्ने कार्यको सञ्चालन, सुपरीवेक्षण र समन्वय सम्बन्ध्ी व्यवस्था गर्न बनेको विधेयक २०७५ लाई संघीय संसद्मा पठाउने निर्णय भएको मन्त्री बाँस्कोटाले जानकारी दिएका छन्।